Eri PNC xkichap nik’aj e b’anol k’ax

 

E reqa’lenel ri Wokajil Ajchajil Tinamit rech ri tinamit Sanarate pa komonchak ruk’ ri Ministerio Público, k’o jun tzukunem xkib’an pa jun ja k’olib’al k’o pa le callejón Las Conejas, aldea Conacaston, Sanarate El Progreso, chi’ k’u ri’ xkichap wi e kajib’ uwinaqil jun molaj b’anol k’ax kamisanik chi’.

Eri xechapik e are k’ut a Félix Leonel Lopez Sazo 37 ujunab’, uq’ab’em ub’i’ are “el bombero”, al Olga Yulisa Gomez “uq’ab’em ub’i’ are la tía” rixoqil jun kab’ix bombero che, a Julio Isaí Matias Quiroa 21 ujunab’, uq’ab’em ub’i’ “Snaider” xuquje’ a Keneth Gustavo Álvarez Ramos 18 ujunab’ uq’ab’em ub’i’ are “el sicario” ri’.

Pa le ja k’olib’al xraqataj wi jun k’aqb’alil marca CZ, josom urajilab’al ri’, ruk’ 49 chi ub’aq’ k’aqb’alil calibre 9mm, jun ub’ilob’al ub’aq’, kajib’ chi ch’awib’alil, jun Tablet, ri xpis kumal ri MP.

E nik’aj winaq e b’anol k’ax ri’ kab’ixik e are xekamisanik chi k’aqb’al jun ala ub’i’ Sergio Sebastián Aguilar Montez 18 ujunab’, ri xk’ulmataj pa le 9 rech enero rech pa junab’ir kanoq pa le barrio el Riito rech Sanarate, xuquje’ kab’ixik e are kakik’ayij awan kunb’alil chi’ xuquje’ e ajtoq’inel pwaq chi ke winaq pa tinamit ri’, rumal ri’ are wa’ katajin na utzukuxik uwach ri’.

Rumal ri’ kab’ixik eri q’atb’altzij xutaq kachapik loq ruk’ ri xraqataj kuk’.

Alerta de Corrupción

Ultimas noticias