Eri wokajil ajchajiinelab’ rech Iximulew xkiq’atej jun nim jukub’ pa le nimaq’laj palow Pacífico, chi uwach ri uchi’ ri taq’aj ulew rech Escuintla. Pa le puqtzukunik b’anom e k’o oxib’ winaq e’aj iximulew, rech 32, 36 xuquje’ 45 kijunab’, ri kik’amom b’i 550 k’olib’al rech koka’ina ri’.
Chi rij ri kichak ri Wokajil Ajchajil Tinamit, ri nima jukub’ xk’am b’i pa jun utzilaj uxlab’al chi uchi’ ri nima palow, chi la’ k’ut ri q’atb’al tzij rech ri Ministerio Público xuquje’ ri ri ajchajinelab’ rech q’ateb’al itzel taq kunb’al xkib’an ri uqasaxik ri eqa’n, ri rajilaxik xuquje’ ri taqanik rech ri q’atb’al tzij. Ri oxib’ winaq ri e chapom xeya’ pa kaq’ab’ ri q’atb’al tzij rech kechomaxik chi uwach ri taqanik.
Are chi’ xk’is ub’anik taq ri chak, xtaq uq’axexik pa xik’ach’ich’ cho ri kaj ri 550 chi k’olib’alil awan kunb’al k’a pa le k’olib’al taq xik’ach’ich’ rech ri Unidad Aérea rech ri Ministerio rech Gobernación ri’. Te k’u ri’ eri itzel awan kunb’al xk’am b’i k’a pa taq uk’olib’al jastaq rech ri Subdirección General rech Análisis rech Información Antinarcótica (SGAIA), k’o pa le zona 6 uk’u’x nimatinamit.
Ri uk’amik b’i ri xub’an pa nimalaj chajinem rech xkub’isax ri uchajixik ri q’alajisab’al xuquje’ rech kuya uchuq’ab’ ri b’eyal rech ri q’atow tzij.
Eri chak ri’ kuk’ut ri nimachak kech ri wokajil ajchajinelab’ rech tinamit che uq’atik ri itzel q’ayes awan kunb’al pa taq ri ub’e ri palow ri kakikoj ri molaj winaq b’anol k’ax rech narcotráfico ri’ xuquje’ ri kaya uchuq’ab’ rech q’ateb’al taq ri molaj taq b’anol k’ax.
