Eri PNC xok che chajinem pa Uk’u’x Nimatinamit ri’ rumal uj k’o pa uq’ij tojb’al rech ri aguinaldo ri’

Eri Wokajil Ajchajil Tinamit ri’ xukoj pa upatanixik ri Cholchak rech Ya’olchajinem rech pa uq’ijol ri Nimaq’ij rech Alaxib’al xuquje’ rech pa Jalb’al Junab’ ri’, rumal ri’ k’o jun nimalaj ya’olchajinem xuquje’ tzukunik xmajtaj ri’, rech nab’ejsab’al uq’atexik b’anoj k’ax pa uk’u’x nimatinamit ri’, chi la’ k’ut che ri qas che kewa’kat wi winaq rech kakib’an kiloq’oj pa taq le nimaq’ij petinaq ri’ xuquje’ pa utojik chi ke ri aguinaldo ri’.

Eri Edwin Monroy, rajtzijolinel ri PNC ri’ xub’ij, e k’o ajchajil tinamit xetaq che ri qas kewa’kat wi winaq ri’, chi la’ che ri qas keb’e pa uloq’ik kijastaq rech pa k’isb’al junab’ ri’, rumal k’u ri’ xmajtaj k’ut jun nimalaj loq’oj jastaq kumal ri winaqil pa taq ri k’ayib’alil ri’.

Rumal wa’ eri PNC qas kukub’isaj ri b’anoj ya’olchajinem pa le kachajixik ri winaqil ruk’ ri kijastaq ri’, kuk’ut ri’ ruk’ we jun b’anoj chajinem ri’ rech are k’olik che kachajixik ri winaqil ri’, xcha’ ri Monroy.

“E k’o chik pa saq ri molaj ajchajinelab’ rech Reserva rech ri Comisaría 11 ri ruk’ no’jchak ri’ kakib’an ri ya’olchajinem kub’isb’al k’u’x ri’, rech kakinimaj ri e taqom wiri’, rech pa kilik ri winaqil, rech ke’ilik we k’o pa saqil kitzijolil, rech ke’ilik we keqam ta k’aqb’al ruk’ jastaq maj pa usaqil ri’, rech aretaq ke’opan ri winaqil pa le Uk’u’x Nimatinamit ri’ pa kub’sib’al ri’ kakiloq’o ri kijastaq ri’”, xcha’ ri Rajtzijoliinel ajchajil tinamit.

Noticias Recientes