Eri awan kunb’alil are uwam b’i pa jun kaxonach’ich’ upetik pa jun nimatinamit centroamericano, are wa’ xriqitaj kumal reqa’lenel ri Sub Dirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) e are k’ut xkiriqo 168 chi pisob’al awan kunb’alil ri’ pa jun tasb’al chi upam ri’, are wa’ maltyo che ri chak xb’antaj rumal ri no’jchakub’al rech rayos X xuquje’ ruk’ utob’anik ri ajk’utul rech xuquje’ rumal ri usiqonik ri jun tz’i’ eqa’lenel K-9 ri’.
Eri tzukunik ri’ are xb’antaj pa jun chi ke ri okib’al rech ri Portuarai Santo Tomás de Castilla, Puerto Barrios, Izabal, chi’ k’u ri’ are ri tz’i’ eqa’lenel ri’ xtob’anik rumal xuk’utu ri awam wi ri awan kunb’alil petinaq pa jun nim jukub’ ch’ich’ rech upetik loq pa jun nimatinamit centroamericano ri’.
Aretaq xesaxel ri pisob’al ri awan kunb’alil awam chi upam taq ri ch’ich’ k’olib’al ri’, xq’alajin kumal ri ajtzukul rech ri che tzij are ri awan kunb’alil ri’, are b’a’ ri awan kunb’alil ub’i’ Cocaína ri’.
Eri Ministerio Público xutaq upisik ri’ xuquje’ te k’u ri’ xk’am b’i pa uk’u’x k’olib’al jastaq rech ri SGAIA rech kaporox ri’.