Rumal k’ut katajin ri jun k’ax yab’il rech COVID-19, eri Exportadores Unidos rumal Guate rech AGEXPORT k’o jun nim molon pwaq xkib’an kuk’ ri e reqa’lenel e ajchak ri’ rech xkijacho 50 mil chi kuchb’al kichi’ winaq rech ya’oltob’anik chi ke reqa’lenel ri Wokajil Ajchajil Tinamit (PNC).
Pa le nim kojemtzij xk’oji wi ri Ministro rech Gobernaciòn, Edgar Godoy, ri k’amal b’e rech ri Wokajil Ajchajil Tinamit (PNC), Erwin Mayen, ri K’amol ub’e ri Komon Chomanelab’ rech AGEXPORT Connie de Paiz.
Ri Ministro rech Gobernaciòn, Edgar Godoy, xkub’isaj ub’ixik che “Ri pwaq xmolik are sibalaj utz kumal ri wokajil k’o ajchoq’e ri’ che pa ronojel q’ij kub’an le nim utzil ri’ xuquje’ reta’m jas ri kub’an wi. Rumal k’ut eri kuchb’al kichi’ winaq ri’ are nim katob’an chi ke reqa’lenel ri e ajchajil tinamit ri’. Eri jun k’ax katajin ri’ are kub’an chi ke ri e ajpoq’isan pwaq meb’il rech kek’oji naqaj na chi ke ri winaqilal ri’ xuquje’ are wa’ kaqamaltyoxij ri jun sipanem xya’taj loq kumal ri q’atb’altzij redch ri AGEXPORT che ri uchak ri Wokajil Ajchajil Tinamit ri’.”
Rumal ri’, eri Mayen K’amol ub’e ri PNC, xub’ij “e resaxik ri utzil k’o chaqe uj aj winaq aj iximulew ri’, are wa’ kub’an chaqe rech k’o jun nim qachuq’ab’ rech kaqatanab’o taj ub’anik ri qachak patan ri’. Are Kub’an che ri PNC rech kajat kuk’ ri winaqil rech kato’ik pa le uq’ij jun k’ax yab’il katajinik, rumal k’ut are qas kab’an kilik ri reqa’lenel e ajchajil tinamit che ri ketajin che ya’olchajinik pa taq ja rech kunanem winaq ri’ xuquje’ chi ke ri winaqil e tz’apim ri’”.
Eri Connie de Paiz, rech AGEXPORT, xkub’isaj ub’ixik che ri kuchb’al chi’aj are ya’tal chi ke ri e utz taq e ajchajil tinamit ri’, “Are xaqachomaj rech kaqajach ri kuchb’al chi’aj xuquje’ ru chakub’al rech tob’al ib’ ri e utz taq eqa’lenel che ri ketajin che resaxik ri winaqil e aj iximulew pa k’ax ri’, chi ke ri e ajchajil tinamit, chi ke ri q’atol tzij, chi ke ri bomberos, rumal k’ut eri e are ri’ ronojel taq q’ij sib’alaj kechajin chi ke ri winaqil ri’. Eri qas kaqaj uj are kakiraq ta k’ax ri yab’il ri’ rumal ri’ keqachajij ri’”.
Eri kuchb’al chi’aj winaq ri’ are katajin ub’anik kumal ri empresas e k’o pa ri komonb’al rech ri Asociación rech ri Industria rech Vestuario xuquje’ Textiles (Vestex) utz’ib’am rib’ pa AGEXPORT, pa le fundación Funtejer, rech pa uta’ik kipwaq kimeb’il ri winaqil e achalalil ri’.
Eri cholchak patan ri’ are wa’ rech kajachik ri kuchb’al chi’aj winaq ri’, chi ke ri e utz taq eqa’lenelab’ che ri ketajin che uya’ik pa saq ri pwaqil meb’ilem pa le uq’ijol jun k’ax yab’il ri’, jeri’ chi ke ri e ajpoq’san pwaq meb’il che ri kechakun pa taq juyub’al tinamit, ri kakib’an wa’ rech kakitzuq winaq ri’ rech pa amaq’el k’ut k’o ri kiwa kakitij ri’.