Pa unimaxik ub’anik ri Cholchajinem 30-2022 ri k’a te xya’taj ub’ixik rumal ri Ministro rech Gobernación, David Napoleón Barrientos, chaq’ab’ ri’ rech ri 25 rech octubre ri’, rumal ri’ Viceministro rech Seguridad, Carlos Enrique Franco xuquje’ ri Director General Adjunto, Edwin Ardiano ri’, ketajin pa solinem ri’ jas le upatanexik cholchajinem tzukunik tajin kumal e ajchajil tinamit ri’.
Rumal ri’, pa le sector rech ri 13 calle, zona 3 pa nimatinamit, eri rajchajinelab’ ri comisaría 11 ri’ xkib’an k’ut ri puqchajinem tzukunik rech q’atenik ri k’ax ri’, rech ketajin che usolixik ri kiwujil kitzijol ri winaqil e b’enaq pa taq ri ch’ich’ rech uq’atexik we man k’ot jastaq maj pa usaqil keqam tane’ ri’.
Pa Amatitlán jacha ri xya’taj ub’ixik, eri Wokajil Ajchajil Iximulew xuquje’ ri Wokajil Ajchajil Tinamit ri’ ub’i’ (PNC) xkib’an k’i taq puqchajinem pa wokajil che kaqan pa taq ri k’olib’alil chi la’ k’ut rech uq’atexik b’anoj taq elaq’ ri’.
Pa taq’ajil juyub’ ri’
Iwir qajib’al q’ij, pa le kilómero 39 rech ri nimab’e kab’e pa le Pacífico ri’, eri rajchajinelab’ ri comisaría 31 pa komon ruk’ ri Wokajil Ajchajil Amaq’ Iximulew xkikoj k’olib’al q’atenik ri’ rech ya’olchajinem tzukunik chi ke ri ch’ich’ ke’ok’ow chi’. E k’o k’i e ajb’inisal ch’ich’ xoksax nim tojb’al maj chi kij ri’ xecha’ ri q’atb’al tzij.