Eri ukojik ri k’exow chi upam ri Código Procesal Penal xuquje’ ri uk’exik uwach ri tojob’al pwaq ri’, are xkichakuj chi kuxo’l taq ri q’atb’al tzij k’olib’alil.

Eri q’atb’al tzij rech ri Ministerio rech Gobernación (Mingob) kuk’ rajchomanelb’ k’amol ub’e ri Comisión Nacional rech ri  Sistema Penitenciario (CONASIP) xkib’an jun uwi riqonem ib’ ech xkichomaj ub’anik pa kemonchak ri ukojik ri Taqanem Q’atow Tzij rech Antilavado xuquje’ ri le k’ak’ k’exow pa le Ukojik le Nimlaja Taqanem rech Q’atow Tzij, ruk’ ri nimalaj no’jibal pa le uk’exik le pwaqil katoj ri’ xuquje’ ruk’ ri uchuq’ab’ kajamik kiwach ri winaq e k’o pa wokajil japache’ tz’apib’al.

Pa le riqb’al ib’ xch’aw chi rij taq k’amom b’e rech tob’anik pa le q’atb’al tzij xuquje’ ri rutzilal ub’anik pa kemonchak ruk’ ri Cámara Penal rech ri Organismo Judicial, rech kijachom kib’ pa le b’anik k’ax ch’ajom pwaq ruk’ nik’aj chik jastaq maj pa usaqilal ri’. Eri chakunem ri’ kuya uchuq’ab’ ri ukojik ri retab’al b’anow taqanik xuquje’ rech katob’anik pa ujamik kiwach ri winaq keriqitaj pa rachoch japache’ tz’apib’al ri’.  

Eri riqb’al ib’ ri’ xk’am ub’e ub’anik rumal ri viceministro rech Seguridad, Roberto Solórzano, ruk’ ri k’amal b’e rech ri Taqawokajil Japache’ Tz’apib’al Winaq, a Jorge López Dellachiessa ri’. Xuquje’ xetatabenik rajchomanelab’ ri Ministerio Público (MP), rech ri Organismo Judicial (OJ) xuquje’ rech ri Instituto rech ri Defensa Pública Penal (IDPP), ri xkisolwachrij ri ch’ob’ow ri b’anow kemonchak rech ya’el uchuq’ab’ ri kemon chomanem chakunik kumal ri taqawokajilal xuquje’ katerne’xik ri ukojik taq ri k’ak’ b’anow q’atow tzij.