Eri tercer viceministro rech Q’atenik k’ax, Ronald Portillo, ruk’ katob’anik e k’i taq wokajilal ri’, xkiya’ pa k’utem ri Ucholchak ub’i’ Estrategia Departamental rech Q’atenik Ch’ojinem (EDAC) chi ke ajchomanelab’ rech taq tinamit xuquje’ e ajkalte’ib’ ri’.
Eri Portillo ri’, sib’alaj xuya’ ub’ixik ri upatanib’al ri Patanem Amaq’ Iximulew xuquje’ rumal ri’ Ministerio rech Gobernación ri’ rech kechomax ri winaqilal rech pa jujun taq katinamit ri k’o jumolaj ch’o’jinik kib’anom ri’.
“Are kaqatzukuj ub’anik jun chomanem chi ke ri winaqilal pa taq katinamit, qeta’m k’ut che k’o jalajoj taq ch’ojinik chi kuwach ri’ chi rij kijorom, kib’e, ri b’anoj k’ax ri’ xuquje’ ri katzaq wi ri tz’il taq ja’ ri’, are wa’ kachomax pa le cholchak ri’ rech kub’an utzilem chi ke ri winaqilal”, xcha’ ri Portillo.
Eri k’utb’al ri Modelo rech Implementación ri’, are la’ xb’antaj kumal rajchomanelab’ ri Creative/USAID-Tejiendo Paz, rech ri Programa Construcción Ciudadana xuquje’ Fundación Carlos F. Novella, e achb’ilam kumal ri Subdirección General rech Q’atel k’ax ri’ rech ri Nimawokajil Ajchajil Tinamit (PNC) ri’.