Eri q’atb’al tzij rech Gobernación sib’alaj ketajin che b’anoj tijon ch’ab’al inglés chi ke reqa’lenel e ajchajil tinamit ri’. Pa le ub’antajil ri tijonik e ajchajil tinamit (ETP), eri ministro rech Gobernación David Napoleón Barrientos ri’ xutaq umajik ri tijonem rech ch’ab’al inglés, chi ke reqa’lenel ri División rech Seguridad Turística (Disetur) xuquje’ ri Wokajil e Ajchajil Puertos, Aeropuertos xuquje’ ri Puestos Fronterizos (Dipafront) rech ri Nimawokajil Ajchajil Tinamit (PNC) ri’.
Pa le okem tijonem xetatab’enik ri K’amal b’e rech ri PNC, Héctor Hernández, xuquje’ ri Subdirector General rech Estudios xuquje’ Doctrinas, Wilson Erasmo Diaz Pineda xuquje’ ri Directora rech ri Instituto Guatemalteco Americano (IGA), Ana Sylvia Ramírez ri’.
“Eri tijonem ri’ are jun cholchak k’o nim upatanib’al ri’ pa le katijoxik ri e ajchajil tinamit, are tijonik kuya’kuq’ansaj kiq’ijol ri e ajchajil tinamit, rech kub’an jun nim utzilem chi ke ri winaqilal ri’”, xcha’ ri ministro Barrientos.
Xub’ij chik, “Eri tijonem are xya’taj chi ke ri keb’ jachakub’al e ajchajil tinamit ri k’o rajwaxik rech ketzijon chi kuwach kuk’ ri winaqil naj ri kapetik pa qatinamit, pa le ub’anik ri kipatan ri’”.
Pa le kojem tzij ri’ eri q’atb’al tzij xkijach k’ut jujun taq no’jwujil rech tijonem chi ke 25 chi reqa’lenel ri DISETUR xuquje’ ri DIPAFRONT ri’, ri ketijoxik ri’ pa waqib’ ik’ pa le Instituto Guatemalteco Americano (IGA), zona 4 rech pa uk’u’x nimatinamit.