Pa le yab’al uq’ij uchak upatan xub’an ri reqa’lenel, Venancio Ubaldo Puac Menchu, ri xkamisax iwir pa le colonia colonia Pablo VI, zona 7 de Mixco, ri Primer Viceministro rech Seguridad, Carlos Franco Urzúa ruk’ ri K’amal b’e rech ri Wokajil Ajchajil Tinamit (PNC), Héctor Hernández xuquje’ kumal ri rajtaqanelab’ ri e ajchajil tinamit, xuya utzijob’exik che xmajtaj ktzukuxik nik’aj xkib’an ri k’aqanik rumal ri’ sib’alaj xkitoq’ij ub’ixik chi ke ri winaqilal rech chakib’ij b’a’ kitzijol nik’aj e ajb’anol k’ax ri’.
Eri Viceministro Carlos Franco Urzúa, xub’ij che ri wokajil ajchajil tinamit are jun nim wokaj e alaxik ri’, “are ri uj ri’, aj jun wokaj chi alaxik, kuya’ k’ax chaqe xkamisanik ri a Venancio Puac, are la’ katerne’j kichapik nik’aj xekamisan rech pa le jun k’aqanik, rumal k’ut xel kanoq maj utat chik ri e oxib’ taq ak’alab’ ri’”.
Jeri’, sib’alaj xutoq’ij ub’ixik chi ke ri winaqilal rech kakiya loq kitzijol nik’aj e ajb’anol chi ke pa ronojel kechakun ri’ rech kakitzuq ri kalk’uwal ri’.
Eri Puac Menchú ri’, aj winaqil rech San Juan La Laguna, Tzoloja’, 33 ujunab’, pa kajib’ junab’ xchakun pa ya’olchajinem pa le Comisaría 16, pa le Subdirección General rech Operaciones.
Rumal ri’ eri k’amal b’e rech ri PNC, Héctor Mendoza, sib’alaj xuya’ ub’ixik che ketob’an ri’ chi ke ri rachalal ri eqa’lenelab’ e kaminaq pa le kichak ya’olchajinem ri’, “kuya k’ax chaqe xkamisax ri qachib’il a Venancio Puac ri’ pa le jun k’aqanik xb’an chi ke ri’, are la’ tajin chik utzukuxik kuwach nik’aj e ajb’anol k’ax xkib’an ri k’aqanik ri’ rech kechapataj ri’”.