Pa le nimriqb’al ib’ kumal rajtaqanelab’ ri Organismos Nacionales rech Ajq’atenel ri Awan Kunb’alil pa América Latina xuque’ le Caribe ri’ (Honlac), pa ub’i’ ri Wokaj Patanelab’ rech Iximulew ri’ eri Quinto Viceministro, Fernando Rodas, xuya utzijoxik ri chak tajin ub’anik ri’ pa le q’atenik ri awan kunb’al ri’.
“Sib’alaj ki’kotem chuwe in kich’aw iwuk’ ix rech kintzijoj ri upatanib’al wari’ pa le riqb’al ib’ ir’, rumal are la’ kachokon pa le utzijob’exik ri chak b’anom ri’, rech kuya uchuq’ab’ chakunem pa le q’atenik ri awan kunb’alil, pa jujun taq itinamit ri’”, xcha’ ri Viceministro.
Xub’ij chik eri ub’anik utzijoxik ri k’aslemam chik pa nik’aj chik nimatinamit, are la’ k’o nim upatanib’al, rumal k’ut are kuya uchuq’ab’ ri b’anoj k’ak’ taq cholchak wari’, rech kub’ano kab’an ujipixik ub’anik pa qatinamit ri’.
Eri Rodas xub’ij e pa Iximulew k’o ri ub’e’al chakub’al ri’ xuquje’ k’o ri cholchak patan ri Patanem Amaq’ 2020-2024 rumal ri K’amal b’e Amaq’ Iximulew, Alejandro Giammattei, jeri’ k’o jun Ucholchak ri Ministerio rech Gobernación ri k’o waqib’ k’amoj ub’e ub’anik ri’.
Jeri’ xub’ij “sib’alaj tajin ub’anik ri komonchak ri’, pa le q’atenik kuwach ri narcotráfico ri’”.
Ri nim uq’atexik b’anom chi ke ri narcotráfico ri’
Eri Rodas xub’ij chi ke xek’oji chi’ ri q’alaj chakum uwach ri’, pa le kaq’atexik ri narcotráfico ri’, pa le junab’ 2022, are wa’ jun k’utb’al ri’, e k’o k’i winaq e chapom chik ri ketaq b’i pache’ q’atb’al tzij naj, riqom chik ichaj tiko’n rech amapola, rech marihuana xuquje’ rech coca pa le tinamit aj iximulew.
Pa le uq’atexik ri tiko’n poq’sab’al awan kunb’al, k’o uk’u’x b’anob’al awan kunb’al porom ri’, ruk’ wa’ kutun rib’ ri awan kunb’al riqom, jastaq xuquje’ pwaqil riqom kuk’ ri narcotráfico ri’.
“Sib’alaj qeta’m k’ut pane’ b’a’ tijowchuq’ab’ tajin pa qatinamit, k’o k’i uwach tijowchuq’ab’ rumal k’u ri’ are kukub’isaj ub’anik ri qachakunik”, xcha’ ri Quinto Viceministro.