Pa le utaqixik ri tob’anik pa juntir chi ke ri ixoqib’ b’anom k’ax ri’, pa we q’ij kamik eri Ministro rech Gobernación, Gendri Reyes, ruk’ ri Viceministro rech Q’atel k’ax, Carlos García Rubio, xkijuch’ uwach ri nuk’chomab’al rech pa saqilb’anik ri ukojik usachik ri pwaqilem rech 9 millones 500 mil chi pwaqil ri’ rech are xto’ik ri Asociación Civil man rech ta k’ayij ub’i’ “Grupo Guatemalteco kech Ixoqib’” (GGM).
Eri q’atb’al tzij rech ri Ya’olchajinem pa Amaq’, Gendri Reyes, xkub’isaj ub’ixik che ri katerenb’ex na uya’ik ri tob’anik chi ke ri ixoqib’ che ri b’anom k’ax chi ke.
“Sib’alaj nim upatan ri e are kakitzukuj ri tob’anik chi ke ri winaqil b’anom k’ax chi ke, rumal k’ut eri e ajchajil tinamit ri’ k’o jun chik keta’mab’al kesam ri’ rech kakikoj pa le kichakunik ri’”.
Xub’ij ri’, are chi’ xk’ub’isaj ub’ixik ri Ministerio rech Gobernación, are k’ut ri kib’antajil kik’aslema ri ixoqib’ are qas k’o pa unimalil ri’, rumal ri’, tajin uterenb’exik ri tob’anik chi ke ri wokajil winaqil.
Rumal ri’, eri Viceministro rech Q’atel k’ax, Carlos García Rubio, xub’ij che ruk’ ri tob’anik chi ke ri wokajil winaq ri’ are chi ke ri winaqil tinamit ri’ “Pa le uya’ik pa saqil ri pwaqil ri’, are chob’om chik rech keto’ik ri wokajil winaq ri’. Eri ixoqib’ ri’ e tob’am rumal ri Ministerio rech Gobernación rech keto’ik kechajixik”.
Eri Laura Lirrayes, Vicepresidenta rech ri Junta Directiva rech GGM, xumaltyoxij ri tob’anik xkiya’ chi ke rumal ri q’atb’al tzij rech Gobernación ri’, xk’ub’isaj ub’ixik ri’ che “Are ri primer Ministro ri’ ri kuya’ ri tob’anik chi ke ri wokajil ixoqib’ sib’alaj utz xkilo xopan pa kasolixik pa taq ri centros CAIMUS, che ri tajin ke’unimaj e 10 chi ixoqib’ kuk’ ri kalk’uwal kiriqom k’ax ri’, rumal k’ut are la’ kakik’utu che tzij kakaj kujki’to’o ri’”, xcha’.
Eri CAIMUS are ri Centros rech Apoyo Integral kech Ixoqib’ kiriqom k’ax, are jun k’olib’al kub’sib’al k’u’x ri’, chi la’ k’ut kaqariq wi tob’anem chaqe ri’, ri kajtzijob’ex wi xuquje’ kajno’jix wi, ri maj k’ot rajil ri’, xaq xu’ rajwaxik kakaj ke’achb’ilax ri’.
Pa taq ri centros che ri keriqitaj pa Iximulew, Escuintla, Suchitepéquez, Rabinial xuquje’ pa Xe’laju’.