Eri K’amal b’e rech ri Wokajil Ajchajil Tinamit (PNC), Héctor Leonel Hernández xek’oji paq’ij kamik 7 rech diciembre rech ri Nimriqb’alil kumal ri Taqanel xuquje’ K’amal b’e rehc ri Wokajil Ajchajil Tinamit rech Centroamérica, México xuquje’ rech ri Caribe che ri katajin pa Costa Rica, chi la’ k’ut xek’oji ri wi taqanel rech ri chajin tinamit rech ri Triángulo Norte, rech ri Sistema rech ri Integración Centroamericana (SICA) xuquje’ rech ri Organización Internacional rech Policía Criminal (Interpol) ri’.
Eri nimriqb’alil ri’ are la’ utaqim uq’atik uwach ub’anik ri b’anonem q’atenik ri b’anoj k’ax pa taq rulewal nimatinamit amaq’ilal, rech kariqik uq’atexik ri awan k’ayin k’aqb’al xuquje’ ri ch’ich’ ri, rech uq’atexik ri narcotráfico ri’, ri ch’ijom k’ax chi ke winaq xuquje’ kiq’axenik winaq maj kiwujil keqam pa qatinamit.
Xuquje’ eri kaq’atexik ri nik’aj pandillas ri’, are la’ kab’anik pa taq le q’ij ri’ pa le rulewal taq nimatinamit paq’ij kamik. Xuquje’ tajin uchomaxik ri nimatob’anem chi kuwach ri nimatinamit amaq’ilal, rech uq’atexik taq ri nik’aj molaj b’anol k’ax pa rulewal nimatinamit.
Eri e ajchajinelab’ rehc ri rulewal taq nimatinamit xuquje’ rech Interpol ri’, xkitunu kichuq’ab’ rech xkitzijoj uwach taq ri b’anoj puqchajinem tzukunik xkib’an ri’ rech k’o nimalaj q’atenik ri k’ax xb’an kumal ri q’atb’al tzij rech ri nimatinamit amaq’ilal.