Pa unimaxik ri Nimcholpatan rech Taqanem xuquje’ Ya’olchajinem Tzukunik rumal ri Wokom Taqanel Amaq’il 2020-2024, eri K’amal b’e Amaq’ Alejandro Giammattei xmolin paq’ij 6 rech diciembre ri’ a jun nimriqb’alil Chomanem ruk’ ri Ministro rech Gobernación, David Napoleón Barrientos xuquje’ rajpataninel ri Organismo Ejecutivo, rech kakichomaj ub’anik uwach pa wokajilal ri b’anoj ya’olchajinem q’atenik pa k’ulb’a’til, rech kaq’atexik nik’aj b’anol k’ax, ri winaq e ajq’axel maj kiwujil keqam xuquje’ ri k’ayin awan jastaq pa Iximulew, pa Centroamérica xuquje’ pa México ri’.
Eri nimtaqanel rech qatinamit xub’ij ruk’ ri b’anoj riqb’alil pa wokajilal ri’ are la’ kukub’isaj ri eqle’m chak k’amom xuquje’ tajin uterenb’exik ub’anik pa le Taqawokajnem rech ri Ya’olchajinem pa qatinamit.
Jeri’ rech keq’atexik ri pandilleros e rech Honduras ri’, rech ya’ik nimtob’anem pa aninaqil ri’ are la’ xkitaq ub’anik ri q’atb’al tzij rech ri nimatinamit k’o apanoq, rumal ri’ xkiya loq keb’ chi helicópteros rech kakoj pa le puqchajinem tzukunik tajin kumal ri’, rech ruk’ wa’ sib’alaj ketob’anik pa qatinamit.
Eri uwach ri cholchajinem ub’i’ Plan 38-2022 Seguridad Interinstitucional pa Fronteras rech ri Triángulo Norte, xmajtaj ub’anik pa le 30 Uk’olib’al Chajinem Tzukunik pa Wokajilal, rech kakilo we man e k’ot ri winaq taqom kichapik keq’axik, man keqam ta kiwujilal xuquje’ rech kaq’atexik ri jastaq maj pa usaqil rech b’anoj k’ax kaq’axexik kumal ri Itzel winaq ri’.
Xuquje’ eri ajchajinelab’ tajin kakilo utzijol wari’ pa le kojb’al rech ri Dispositivo MI3 xuquje’ pa komon ub’anik wa’ rumal ri Interpor Guatemala, ri Centro Antipandillas Transnacional (CAT) xuquje’ ri Dirección General rech Inteligencia Civil (Digici), tajin rilik kitzijol ri winaqil e aj iximulew xuquje’ le naj kapetik, rech kach’ob’ik e chinaq ri’, rech kasolix uwach kiq’axenik ri winaqil xuquje’ we kib’anom k’ax ri winaqilal ri’.