Eri Viceministra rech Seguridad, rech ri Ministerio rech Gobernación (Mingob), Claudia Palencia, pa ub’i’ ri q’attaqanem tinamit Iximulew xek’oji pale nimachomanem rech q’atän tzij rech Kataqixik ri cholchak Desarrollo Sostenible 16, ri q’atäm upatanexik rumal ri Organización rech Naciones Unidas (ONU) xuquje’ rech kuwa’lijsaxik pa utzilem joremal ri’; rech kaya utzijol ri chak q’atoj tzij b’anom, chi kuwach ri tinamit, rech ilom ri’ xuquje’ rech kekoj wokajil ri qas utz kechakunik, rech kakinimaj tzij ruk’ konojel ri winaqilal pa tinamit. Are wa’ xb’an pa rachoch ri ONU ri’.
Eri nima nan xuya utzijol ub’ixik che ri Mingob are kuya b’a’ uchuq’ab’ ri ucholchak ri wokajilal rik’o nim upatanib’al ri’ jacha ri Wokajil Japache’ Tz’apib’al ub’i’ (SP) xuquje’ ri Wokajil Ajchajil Tinamit ub’i’ (PNC). “Are k’o nim upatanib’al rech kub’an ri saqilem utzilal ruk’ ri kakojik ri e ajchak pa le wokajilal ri’, rech kaq’at rilik ri chak kakib’ano ri reqa’lenel ri SP xuquje’ ri PNC, ruk’ ukojik ri tob’chakub’al xuquje’ rech kab’an jun uk’extajik uwach taq ri inspectorías generales rech ri keb’ wokajilal rech ya’olchajinem”, xcha’ ri are ri’.
Jeri’ xub’ij che are rajwaxik qas kanimax uchakuxik kumal ri wokajilal, ruk’ jun k’amq’ab’ ib’, ri utz ri suk’ ub’anik, ri silom uwach, rech kukub’isaj unimaxik uwach ri Jikom Ch’ojilem Winaqib’ Ya’talil xuquje’ rech kachakux ruk’ eqa’lenem niman tzij. “Eri e jikom taq wokajila pa amaq’el kikub’isam uchakuxik xuquje’ ruk’ ri suk’alil q’atoj tzij”, xcha’ le nan nim patanel.
Eri Viceministra rech Ya’olchajinem xuquje’ xub’ij ri are che ri runimal k’ax kab’an pa taq tinamit are wari’: Ri awam uq’axexik k’aqb’al ri’ maj uwujilal ri’; ri kiq’axexik winaq pa awalik, rumal nimalaj ukojik ri uwachwuj pa kaqiq’. “Eri b’anoj k’ax pa uwachwuj b’ixik pa kaqiq’, are la’ jun majib’al k’ax ri’ ri kuya nim b’is oq’ej k’axk’olil chi ke ri winaq tinamit, unam ruk’ ri k’ax kupetisaj ri poq’sal pwaq xuquje’ ri keleq’axik kik’ayixik winaq pa taq nimatinamit pa uwachulew”, xcha’.
Ri nima ajpatan nan Palencia xub’ij che man kaqaya ta kanoq uq’atexik ri k’ax ri’ rumal are la’ k’o jun elaq’ k’axk’olil b’anom, are la’ ri k’ax kuq’atij kuwach ri tinamit rech kakiyak ta kib’.
Pa nima utzij xub’ij, eri joremal, are taqim ub’anik pa le suk’ulal ri Objetivo 16, “ruk’ ronoejl qanima’ kojtajin che tzij b’ixik iwuk’ chi rij ri Agenda 2030, rech pa ucholaj ub’anik uriqik ri taqib’alil ri’. Are kab’an upatanexik pa taq ri wokajilal, rech ri chomab’al q’atoj tzij tinamit xuquje’ ruk’ ri jikom nimantzij ri’ rech kachakuxik jacha ri q’atäm ub’ixik pa le Ch’ojilal Ya’talil Winaqib’”.