Are ri a David De Jesús Boya Canté, 24 ujunab’, are kab’ixik are jun chi pandillero xchap iwir pa le Ciudad de Plata 2, zona 7 Guatemala, kumal reqa’lenel ri Wokajil Ajchajil Tinamit e Ajq’atenel taq ri Pandillas (Dipanda), rech ri Wokajil Ajchajil Tinamit (PNC).
Eri reqa’lenel ri ajchajil tinamit xkib’ij che ri jun a Boya Cnaté are jun chi uwinaqil ri jun molaj b’anol k’ax kib’i’ “Vatos locos Salvatrucha” rech ri Mara Salvatrucha. Eri b’anon utzukuxik ri’ are chi’ xb’an utzukuxik kumal ri ajtzukunelab’ rumal ri’ xkiq’atij ri jun winaq ri’, are kab’ixik b’enaq pa jun ch’ich’ placas P123GKP xuquje’ are chi’ reqam jun k’aqb’al, ri releq’am pa le nab’e q’ij rech noviembre rech 2023, jeri’ ruk’ jun b’ilob’al ub’aq’ k’aqb’al ruk’ juk’al jun rajilab’ ub’aq’ k’aqb’lil.
Xuquje’ pa jun chik tzukunem xkiban ri DIPANDA pa le 15 avenida chi uwach ri nimaja 14-65 zona 1 rech Iximulew, chi la’ k’ut xchap wi jun achi ub’i’ Edgar René Valdez Díaz, 39 ujunab’, ri kab’ixik taqom uchapik rumal xub’an toq’inik pwaq.