Eri q’atb’al tzij rech ya’olchajinem kitoq’im utzijoxik ri’ chi ya’tal ri b’iw ub’ixik loq

Toq’im utzijoxik ri b’anoj q’atel k’ax pa Xe’laju’ ri’, kumal ri Q’atb’al tzij rech ri Unidad rech Prevención Comunitaria rech ri k’ax ri’ are wa’ xkitzuj ub’anik ri’ aretaq xe’opan pa le Centro rech Apoyo Integral kech Ixoqib’ Kik’ulmam k’ax (CAIMUS) pa ub’i’ ri Ministro rech Gobernación Gendri Reyes xuquje’ rumal ri Viceministro rech Q’alen b’anoj k’ax ri’ Carlos García Rubio, pa le ropanem ri’ rech xuril ri chak katajin ub’anik pa 32 junab’ chik, pa le ya’el uchuq’ab’ rech ri b’iw ub’ixik loq kumal winaq che are la’ ya’tal chi ke ri ixoqib’ rech kakib’ij ri k’ax kab’an chi kech ri’ kumal taq kik’ulaj ri’.

Eri ropanik xuquje’ ri chomanik xub’an chi’ are la’ uwach ri upatan xuk’am uwach kumal ri q’atb’al tzij rech ri Gobernación pa le b’anoj tob’anem chi kech taq ri chakuja ri’ rech ub’anik utz chi kech ri winaq ri’ chi kech ri ixoqib’ che ri rajwaxik k’i uwach ri b’anoj ilonem chi ke, je ri tob’anem pa tinamit, pa q’atb’al tzij, pa b’anoj kunanik xuquje’ rech kek’oji wiri’.

Eri Robald Portillo, ajk’amol ub’e ri UPCV, xuk’am uq’ab’il uch’ob’ik ri kichak tob’anik ri ixoqib’ ri’ pa le uq’atexik ri b’anoj k’ax chi kech ri’ pa Xe’laju’, “Mawaj ub’ixik k’o chab’ij loq” are wa’ uwach ri ya’ltzijol ub’ixik chi rij ri ukowonib’alil ri q’atenik k’ax, ri are utaqim ukub’isaxik uwach ri b’iw ub’ixik ri’, rumal k’ut are la’ kuya’ uchuq’ab’ kukub’isaj ri b’iw ub’ixik kumal ri ixoqib’ ri’, rumal k’ut are la’ jun ya’talil chi kech, rajwaxik b’a’ kawok ub’anik ri tob’anem chi kech ri winaqil rech pa le uq’atexik b’anoj k’ax chi kech ri ixoqib’, ri ak’alab’ xuquje’ ri alab’omab’ ri’ rech maj jun kub’an ta chik k’ax chi kech ri’”.

Ri Sadra Caldero, are jun ixoq uk’ulmam k’ax pa uk’aslemal, ri are xub’ij che k’o chik 18 junab’ ri’ uriqom k’ax rumal ri rachajil “ruk’ ronojel uchuq’ab’ xuquje’ ke’uloq’oj ri ral xkowin k’ut xel b’e che uta’ik tob’anik chi rech, ronojel xel kanoq chi rij rumal, man k’ot xink’am wuk’ xuquje’ pa le Chakuja ri’ xinto’ wiri’ ruk’ na’ojalil, xkiya’ k’ut wachoch rech xink’oji wi xuquje’ pa kajib’ junab’ ri’ sib’alaj xya’ tob’anik chuwe, we kamik ri’ k’o chik ri weta’m rech kentzuq ri wal rech kek’iyar, kinkoj nuchuq’ab’ kinchakunik rech kinkowin che ub’anik ri nuchaq nutaqkil ri’.

Eri CAIMUS katajin che ya’oltob’anem chi ke ri ixoqib’ pa Escuintla, pa Baja Verapaz, pa Suchitepéquez, pa Xe’laju’, pa Petén, pa San Juan Sacatepéquez, pa Chiquimula, pa Chimaltenango, pa Tz’oloja’ xuquje’ pa uk’u’x Nimatinamit Iximulew ri’.

Noticias Recientes