Pa le wokajil reqa’lenelab’ ri División Especializada rech Investigación Criminal (DEIC) k’o pa le colonia San Antonio, zona 7 rech Xe’laju’, chi’ k’ut xjaq wi uwach ri Jachakub’al rech Q’atel k’ax chi toq’im Ch’ijom Chak chi ke Winaqil ri’.
Pa le ujaqik ri jachakub’al ri’ xtatab’en wi ri Subdirector General rech Investigación Criminal, Nery Neftalí Benito Hernández, ri Oficial Primero Emerson Rosales López, ri rajtaqanel ri Sub jefatura rech ri wokajil b’anoj tzukno’chak rech ri DEIC, ri David Walter, oficial rech Seguridad Ciudadana rech ri Programa rech -INL- rech ri embajada rech Estados Unidos pa Iximulew Nimatinamit xuquje’ ri licenciada Sandy Recinos, rech ri Secretaría rech Q’atel Toq’im K’ax Ch’ijom Chak chi ke Winaq, ri b’anoj k’ax chi ke ixoqib’ alitomab’ ruk’ nik’aj chik poqonil b’anoj chak ri’.
Eri jachakub’al ri’ are xumaj uchak we kamik, wokom kumal eqa’lenelab’ xuquje’ e ajtzukno’jchak rech ri Wokajil Ajchajil Tinamit (PNC) che ri xetijoxik kumal ri rajchak ri SVET, ri INL xuquje’ ri Ministerio Público are rech taqim ya’el ilonem chi ke ri winaqil che ri e minom pa toq’im k’ax b’anoj chak ri’, ri ixoqib’ alitomab’ b’anom k’ax chi kech kumal achijab’, ri e toq’im pa k’ax b’anoj chak, ri e kojom pa poqonil chak, ri winaq e k’ayim, ri ak’alab’ che ri e k’amom b’i kuwmal molaj b’anol k’ax, ri esam kachib’al e ch’analik e sanalik e toq’im kakik’ut kib’, ri e okinaq e yowab’ taq ali xuquje’ ri e toq’im xek’ulaj ri’.
Eri wokajil ajchajil tinamit ke’usik’ij konojel ri winaqil ri’ rech chakik’ama kichuq’ab’ rech kakib’ij loq ri k’ax chi ke pa taq le rajilab’al ch’a’wib’al 110 xuquje’ le 1561 rech ri Wokajil Ajchajil Tinamit ri’.