Eri Departamento rech Tránsito (DT) rech ri Wokajil Ajchajil Tinamit (PNC) ri ajk’amol ri k’utb’e pa we amaq’ ri’ xunimarisaj b’a’ ri b’anoj ya’olchajinem rech nab’ejsab’al q’atenik k’ax pa taq le q’ij ri’ are maja’ na kopan ri Awas Chajin Q’ij ri’, xcha’ri Rony Véliz, rajtzijolinel ri Departamento rech Tránsito rech ri Wokajil Ajchajil Tinamit.
Xub’ij che ri b’anoj ya’lchajinem are kab’an pa nimab’e pa amaq’ tinamit jeri’ pa uk’u’x nimatinamit, chi paq’ij chi chaq’ab’ k’o ri’ ya’olchajinem kab’an ri’ ri kamajtaj pa taq le jo’ob’ kajb’al rech nimaq’ab’ are kak’is wari’ panik’aj aq’ab’, are wa’ kab’anik rech kaq’atexik man k’ot ch’ich’ kakisolkopij kib’ pa taq nimab’e ri’.
“Qakojom ri’ ri b’anoj ya’olchajinem pa le kachajixik ronojel kuwach taq ri ch’ich’, are la’ xaqamaj ub’anik loq pa Siquinalá Escuintla, pa Chupol, Chichicastenango rech Quiché xuquje’ eri ya’ltzijol ri’ are kak’is ub’anik ri’ pa le q’ij jueves 18 ri’ pa le nimatinamit rech Cobán Alta Verapaz, chi’ k’u ri’ tajin ketatab’en wi ri q’atb’al tzij rech K’utb’e, rech Educación Vial, rech ri uq’ab’ tinamit ri’ pa jun b’anoj komonchak ri’ xuquj’ chi’ e are jun ketatab’enrik ri uwinaqilal ri jun cholb’inem rech ajkejch’ich’ ri kepixb’anik chi ke ri e ajkejch’ich’ rech chi la’ rech kakitoq’ij kakikoj tob’al kijolom xuquje’ ruk’ nik’aj chik jastaq tob’al kech rech kakiriq ta k’ax pa taq nimab’e rech man k’o kikam chike” xcha’ ri Véliz.
Ri ub’e’al ya’olchajinem rech pa Awas Q’ij
Eri ajtzijolinel ri’ xub’ij che are chomatal chik kakoj ri ya’ltzijol rech pa saq’ij, rech ri q’ij 30 xuquje’ 31 rech we ik’ ruk’ ukojik ri ya’ltzijol pa le nimab’e Palín Escuintla pa le kiriqtaj wi ri peaje chi’ k’ut kajach ri wujtzijol chi ke e ajb’inisal ch’ich’ rech kakik’am uch’ob’ik kakib’an kuwenta kakiqajisaj uchuq’ab’ kakirumumij ri kich’ich’ aretaq keb’e pa taq nimab’e ri’.
Pa le q’ij miércoles kuriqitaj ri’ pa le okib’al le Puerto San José chi’ k’u ri’ kak’oji ri PNC ri’ pa b’anoj komonchak ruk’ ri Departamento rech Tránsito xuquje’ ruk’ ri Tercer Viceministerio ri’ pa le b’anoj ya’ltzijolinem pixab’anik ri’ rech maj uriqik k’ax tane’ pa taq nimab’e.
Eri SINAPRESE, ri Departamento rech Tránstio kek’oji pa kajlajuj chi k’olib’al rech ya’ltzijol ri’ kuk’ ri e ajchajil tinamit rech ketob’anik pa taq le b’anoj ya’lchajinem ya’ltzijolinik pa taq nimab’e e kojom wiri’ xuquje’ ruk’ wa’ ketob’anik pa le b’anoj ya’ltzijolinik rech q’atel riqoj k’ax pa taq nimab’e pa le Awas Q’ij ri’.
Pa k’isb’al eri Rony Véliz xub’an jun sik’inem chi ke ri winaqil e aj iximulewal rech chakich’ob’o b’a’ rilik che rajwaxik kakisolij kakisuk’umaj le kach’ich’, kakosil we utz ri raqan taq rech kakikoj utz chokonsab’al chi rech taq, rech kakikoj t’iqb’al kib’e, rech utz ri wa’lib’al kich’ich’, rech keqam kitriquets, ri lawe rech torb’al jit’ib’al kich’ich’, rech kakeqajj qapawisab’al q’alajisab’al rech, rech keqam kitzijib’al, kija’, kichupsib’al, rech chakisolij, rech kakititz’ taq kib’ chi rij xuquje’ rech kakikoj tob’al kijolom we kakib’inisaj ri kich’ich’, xuquje’ rech utz katz’iyaq’ kakikoj ri’, rech keqam kikunab’al rech pa aninaqil xuquje’ rech keq’ab’ar taj kakitij ta kitzam, rech man k’ot tob’al q’ojomb’ix pa taq kaxikin xuquje’ rech man kech’a’w ta panoq pa ch’a’wib’alil we ketajin che ub’inisaxik kich’ich’ ri’.