Eri K’amal B’e Amaq’il Iximulew ruk’ ri Ministro rech Gobernación ri’, ri Embajador rech Estados Unidos rech América, William Popp ri’, xuquje’ ri Tercer Viceministro rech Prevención rech ri K’ax ri’, xe’opanik xkisolij pa le Oficina rech Atención kech Victima, k’o pa le Comisaría 14 rech ri Wokaji Ajchajil Tinamit (PNC), zona pa uk’u’x nimatinamit. Eri solinik ri’ are xb’an pa le uq’ijol Kanimaq’ij Ixoqib’ pa Uwachulew ri’ rech jujun 8 rech marzo.
Chi la’ k’ut ri K’amal B’e Amaq’ xub’ij che ri chakuja ri’ e k’o rajchak k’o nim keta’mab’al xuquje’ nim upam rech kab’an wi jun utz nimanem pa jikomal chi ke ri winaqil ixoqib’ kiriqom k’ax. Eri cholchak ri’ k’o utob’anik chi rij rumal ri Oficina rech Asuntos Antinarcóticos rech Kojob’al ri Taqanem ri’ (INL, ub’i’ pa tzij inglés) rech ri Embajada de EE.UU., xcha’.
“Sib’alaj rajwaxik pa komon kab’an ri chakunem kumal ri Amaq’il, ri winaqilal kuk’ ri wokaj ajchomanelab’ rech taq amaq’ilal, rech kak’amsax uq’atexik ri b’anoj k’ax chi ke ri ixoqib’ pa qatinamit. Rumal ri’, are k’o jun upatanib’al rech kak’amsax chi ke ri kakiriq k’ax rech kakib’ij chinaq kab’anoj k’ax chi ke, rech kaq’atexik ri jun k’axk’onem”, xcha’ ri K’amal B’e Amaq’.
Katijoxik e ajchajil tinamit
Rumal ri’, eri Taqawokajnel rech ri Chajinem pa Amaq’ xub’ij che kab’an ri’ jun nim kachomaxik ri winaq kiriqom k’ax, che ri kakitzukuj kano’jaxik ri’ rech ke’opan che ub’ixik pa le chakuja ri’, rech b’ixik ri k’ax kab’an chi ke. “Are la’ ri nab’e chi ke ri wuqub’ che ri kakoj pa le wuqq’ij ri’. Xuquje’ ch’ob’om chik rech kakojik ri 19 chi oficinas rech Atención kech Víctimas pa rulewal qajib’al q’ij rech pa Amaq’”, xcha’.
Eri patanel ri’ xub’ij che k’o jun puq rech 57 chi eqa’lenelab’ ajchajin tinamit xetijox pa jun Curso rech Inducción Básica rech ri Atención chi ke ri Víctima, ruk’ wa’ are taqim uya’ik ri chakub’al rajwaxik rech kachomaxik ri ixoqib’ kiriqom k’axc. Rumal wari’, tajin ub’anik ri komon chak chomanem ri’ rech kachomaxik ketaqik ri eqa’lenel pa taq ri oficinas ri’, rech kek’oji pa tijonem rech kajib’ ik’ xuquje0’ rech kakich’ak ri tijojnem ri’.