Are wa’ rech kaloq’ax kchak kq’ij ri e ajchajil tinamit, eri ministro rech Gobernación, David Napoleón Barrientos, eri viceministro rech Seguridad, Carlos Franco Urzúa, ruk’ ri k’amal b’e xuquje ri ukab’ taq k’amal b’e rech ri Wokajil Ajchajil Tinamit (PNC), xkijaq uwach ri nab’e rachoch tijob’al wa’ pa le Comisaría 11, che ri ketzuk wi e 1000 chi e ajchajinelab’; are wa’ uwach ri Nuk’chomab’al ri K’ak’ Taqawokajil Ajchajil Tinamit pa le nimaq’ij 25 rech ujunab’ ri wokajilal ri’.
Eri Napoleón Barrientos, xumaltyoxij ri uloq’ab’alil ri chakunem pa le upataneik ri cholchak ri’, chi la’ k’ut kaya wiri’ ri kiwa ri reqa’lenel ri PNC, ri nab’e cholchak ri’, are la’ uwach ri utz ukojik ri pwaq rech tojb’al ri chak kab’anik, pa amaq’el ri’ kab’ixik are la’ k’o nim upatanib’al ri wa tzuqub’al chi ke ri e ajchajil tinamit rech kakisach ta chik kipwaq ri’, rech kakiya taq kan ub’anik kchak ri’ xuquje’ rech kakitij ta k’ax. Rumal ri’ xjaq uwach ri rachoch tijob’al kiwa’ ri e ajchajil tinamit.
Rumal ri’ eri Carlos Franco Urzúa, viceministro rech Seguridad, xub’ij che pa le b’anoj cholchak ri’ k’o ri’ uloq’axik kuwach ri e ajchajinelab’, rumal ri’, eri reqa’lenel ri Comisaría 11 xuquje’ 16 k’o chik ri kiwa rech kakitijo ronojel q’ij. “Eri jun b’anoj ri’ are la’ maltyox chi ke ri q’atb’al tzij rech Gobernación xuquje’ kumal ri rajk’amal kib’e ri PNC.
Eri reqa’lenel ri PNC, xkimaltyoxij ri tob’anik xkiya’o, rumal k’ut are wa’ kub’an toq’ob’ rech kakisach ta chik chi taq ik’ Q1000 chi pwaqil pa tojb’al kiwa ri’.
Pa k’isb’al ri’, eri Héctor Hernández, k’amal b’e rech ri PNC xub’ij che xkoj ri k’olib’al tijob’al wa kumal kech e ajchajil tinamit, are la’ kakoj na ri’ pa taq tinamit, rech taqim uto’ik rech kak’oji kipwaq ri e ajchajil tinamit pa kib’orxa.