Ruk’ ri b’anow uwi nimatijonem, e k’o 274 chi ajtaqanel xetijoxik rech ri Wokajil Ajchajin Tinamit (PNC) xkik’iso uwach ri katijoxik kib’ rech Licenciatura rech Ciencias Policiales, ruk’ nimalaj eta’manem chi rij Policía Comunitaria, are uwach k’ut ri nab’e jupuq ri’ rech 2026, ri xya’taj pa le Universidad rech Occidente (UDEO). Eri tijonem ri’ kuya uchuq’ab’il ri upatan uchak ri wokajila ri’ rech ri uq’atexik taq b’anow k’ax xuquje’ rech kab’an le rilik ri rajawaxik chi ke ri winaqil tinamit.
Eri jupuq xk’is katijoxik kib’ e k’o 221 chi achijab’ kuk’ e 53 chi ixoqib’, ri xkik’iso katijoxik kib’ pa le uwi nimatijonem.
Ri katijoxib’ klib’ are kub’an chi ke rech kakikoj ri xketa’maj ruk’ taq ri chakub’al xya’taj chi ke rech kakikoj che uq’atexik ri k’ax, rech kek’oji chi kinaqaj ri tinamit winaqilal xuquje’ rech kakowirisaj ri k’amq’ab’tzij kumal ri Ajchajin Tinamit kuk’ ri winaqilal.
Ri q’atb’al tzij keriqitaj chi la’
Le ulab’an tzij are xuk’am ub’e ub’anik rumal le ministro rech Gobernación, Marco Antonio Villeda, ri sib’alaj xub’ij che k’o nim upatan rech kek’oji ri rajtaqanelab’ ri ajchajin tinamit chi la’ k’ut rech kakib’an le rilik ri uch’ob’il ri rulewal tinamit, rech kech’ob’on chi rij ri utzijolil xuquje’ rech kakib’an ri utz ch’ob’on chomanem, pa amaq’el pa le ub’anikil ri taqanem tzij.
“Eri Iximulew man rajawaxik chi re e’ajtaqanel ajchajin tinamit che xa’ tane’ xaq ketaqanik, xane’ are rech qas kakich’ob’o ri ub’anikil taq juyub’alil, rech kakich’ob’o ri utzijol xuquje’ rech utz pa uq’ijol kechomanik, pa amaq’el ujikomal ri taqanem tzij. E rajawaxik b’a’ e suk’ taq k’amal b’e, rech kek’oji naqaj, ri qas kakita na nab’e rech te k’u ri’ keq’atanik xuquje’ rech kakich’ob’o ri rajawaxik chi ke taq ri winaqilal”, xcha’.
Jeri’ sib’alaj xub’ij che ri chajinem kamajtaj ri’ aretaq ri Ajchajinelab’ kakich’ob’ jas le tajin uk’ulmatajik pa rulewal tinamit, rech pa amaq’el kakitzijob’ej kib’ kuk’ ri winaqilal xuquje’ rumal kekowonik kek’oji are chi’ kakiq’atij ri b’anow k’ax.
Eri patanel ri’ xuquje’ sib’alaj xub’ij che ri upatanil rech kakowirisax ri tzijob’el kumal ri PNC kuk’ ri winaqilal are la’ jun chakub’al rech kaq’atexik ri b’anow taq k’ax. “Le jun kemon winaqilal che ri kach’a’w kuk’ ri Ajchajinel rech kunab’ejsaj rib’ jacha jun chakub’al ri sib’alaj utz rech k’o ri kuq’atij; le jun kemon winaqilal che kuyum uchi’ maj k’ot kub’ij are kuya’o kib’e ri ajb’anol k’ax rech kakimol kib’ ri’”, xcha’.
Pa le ulanem tzij ri’ xek’oji ri jachonel q’atow chak rech ri Universidad rech Occidente, Elder Fuentes Orozco; ri k’amal b’e rech ri PNC, David Custodio Boteo; ri q’atb’al tzij rech ajchajin tinamit kuk’ ri winaqixel e sik’om chi’.
Ruk’ ri b’anow tijonem ri’, eri Ministro rech Gobernación ruk’ ri Wokajil Ajchajin Tinamit sib’alaj xkib’ij che ri kichak ruk’ ri uwi tijonem rech ri wokajil ruk’ ri katijoxik ri eqa’lenelab’, are kuya’o nim kachuq’ab’ rech kakib’an ri utzilaj chajinem xuquje’ rech ub’anik utzilem chi ke ri winaqilal e’aj iximulew.