Pa le ub’anikil ri chajinem q’ateik pa rulewal tinamit, eri Subdirección General rech Análisis xuquje’ Información Antinarcótica (SGAIA) ri’ uq’ab’il ri Wokajil Ajchajin Tinamit (PNC), pa kemonchak ruk’ ri Ministerio Público (MP) ri’, xkiriq 14 chi pisob’al ruk’ marihuana ri are k’amom b’i pa jun ujolom b’insal chich’ ri’ rech ereb’al taq jastaq oqxa’n ri’. Eri uq’texik are xb’an pa le Puesto rech Control Interinstitucional (PCI) k’op le kilómetro 75.4 rech ri nimab’e CA 1 Occidente, en Patzicía, Chimaltenango ri’. Eri nab’ejsam tzukunem ri’ are xuq’alajisaj che ri jun eqam are xel loq chi la’ pa San Marcos ri taqom loq kopan pa uk’u’x nimatinamit Iximulew.
Eri jujun taq eqa’n rech awan kunb’al ri kopan taqom wi b’i are ri’ jun kasach uwach ri’ chi ke ri molaj b’anol k’ax. Man xaq ta ri’ jun chi riqonem. Are ri’ jun nim kaq’atexik, eri uchapik jun kijastaq ri’ are ri’ jun kasach uwach chi kuwach ri narcotráfico.
Ri chak ri’ kuk’ut pa jumul chik le nim patanib’al le PCI jacha ruk’ jun chakub’al rech ke’uriqo eqa’n taq rech awan kunb’al ri e taqom b’i pa taq ri k’ayib’al rech pa amaq’ tinamit. Eri ropanik pa taq le nimab’e chajim are la’ kuya jun nim uchuq’ab’ ri Amaq’ rech kub’an le rilik ri ub’anik kojom kumal taq ri molaj b’anol k’ax uquje’ ri are ri’ kaq’atexik pa kemonchak kumal taq ri taqawokajilal.
Eri ub’anikil ri jujun taq b’anob’al ri’ are la’ kuya utzijol chi ke ri ajtzukunelab’, rech kaqaj nim kachuq’ab’ nik’aj molaj b’anol k’ax rech narcotráfico xuquje’ rech kaq’atexik ri awan kunb’al rech kopan ta chik k’a pa taq awam k’ayib’alil.
Katajin una’ojilal ri’
Pa junab’ ri’, eri q’atb’al tziji xuriq 683 chi upajb’alil ri marihuana xuquje’ prom chik 3.3 millones chi raqan awan ichaj ri’ pa rulewal ri amaq’ tinamit. Are la’ xq’alajinik ri jun ub’anikil rech upoq’saxik ri ichaj tiko’n ri’, ri kub’an uq’atexik ri uchuq’ab’ ri nik’aj molaj b’anol k’ax ri’.
“Ri jujun eqa’n ri xujkowon che uriqik uq’atexik are jun ch’akow chaqe uj rumal are jun kaq’atexik nik’aj molaj b’anol k’ax kojtajin che kaq’atexik. Eri qachak uj are amaq’el kujnab’ej chi kuwach rech keqaq’atij nik’aj molaj b’anol k’ax ri’ xuquje’ rech kaqachajij le Iximuilw pa le b’anow taq puqtzukunem kuk’ ri taqawokajil rech ri Amaq’”; xcha’ le Quinto Viceministro Antinarcóticos xuquje’ rech Seguridad Fronteriza, Víctor Hugo Cruz ri’.