Eri rajtzukunel ri DIPANDA e k’o kaq’o’ lajk’al (1 mil) chi pandilleros kichappom chik ri’

Eri q’atb’altzij rech ri Wokajil Ajchajinelab’ e Ajq’atel taq Pandillas (DIPANDA), uq’ab’ ri Wokajil Ajchajil Tinamit (PNC), xkiya’ utzijol che pa le 2020 ri’e k’o oxq’o’ juq’o’ kak’al waqlajuj (1 mil 456) chi pandilleros e uchapom chik xquje’ e pa le 2021 ri’ e k’o chik oxk’al oxib’ (63) e uchapom chik.

Eri nuk’ub’al tzijol rech DIPANDA kub’ij che pa le 2020 e k’o julajk’al lajuj (230) chi pandilleros rech ri Barrio 18 ri’ e chapatil chik, rech ri Mara Salvatrucha e k’o kajk’al kajlajuj (94) ri’, eri Kijalum kib’ k’o juk’al wajxaqib’ (28) ri’ xuquje’ e k’o kaq’o’ lajk’al kajib’ (1 mil 104) ri’ nik’aj e b’anol k’ax ri’. Xuquje’ k’o ri’ 149 chi k’aqb’alil riqom chik.

Eri b’anoj tzukunem ya’olchajinik kumal ajchajil tinamit are xb’antaj ri’ rumal e k’o ri winaqil sib’alaj xkiya’ loq ub’ixik chi ke ri q’atb’altzij ri’ e are k’ut ri kakiterenb’ej rilik jawchi’ kape wi ri b’anoj taq toq’inik pwaq ri’ kumal taq nik’aj pandilleros ri’.

jeri’, pa we junab’ ri’ eri reqa’lenel ajchajil tinamit sib’alaj ketajin k’ut che uk’amik uk’ulik ri tzijolil chi kij pandillero che ri k’o nima pwaqil tajin kakitoq’ij chi ke e ajb’anol k’ay ri’ rech kekamisax taj kuk’ ri kachalal ri’.

Pa le nab’e q’ij rech enero k’a pa le 20 rech enero rech 2021, eri Na’wilenel rech DIPANDA, e k’o oxib’ uwinaqil ri barrio 18 xkichap loq, jun rech ri Mara Salvatrucha xuquje’ 59 Kijalum kib’ ri’. Xuquje’ k’o 21 chi k’aqb’alil ri’.

Alerta de Corrupción

Ultimas noticias