Pa 10 rech septiembre, pa le Escuela rech Especialidades rech Policía (EEPOL), k’o pa le zona 6 rech ri nimatinamit, eri Viceministra rech Seguridad rech ri Ministerio rech Gobernación (Mingob), Claudia Palencia, ruk’ ri Subdirector rech Estudios xuquje’ Doctrina rech ri PNC, Abel Juárez; ri subdirector rech ri Escuela rech Especialidades Policiales (EEPOL), Ilcias García, xuquje’ ri Taqanel rech ri División rech Fuerzas Especiales rech Policía (DIFEP) Billy Sazo, ri xuk’ijo ri retal tijonem ub’i’ “Técnicas xuquje’ Destrezas rech Operaciones Motorizadas”, ri xk’is uya’ik kumal ri reqa’lenel ri Grupo Especial rech Q’atenem Q’atoj Toq’inik Pwaq (GECE), ri xkojik pa le q’atam uchak taqawokajil ri’.
Eri viceministra Palencia xub’ij che ri are kuna’ jun nim q’ijol ki’kotemal pa ranima’ rumal kerilo che ri jun puq e ajq’atenel q’atoj toq’inik pwaq xk’is katijoxik.
“Sib’alaj kumaltyoxij wa’ xuquje’ te k’u ri’ kub’an le rilik ri ub’inisaxik ri kejach’ich’ che ri kakoj kumal reqa’lenel ri GECE; ix k’o nim ipatan pa le k’exnem kab’anik xuquje’ pa le kaq’atexik ri e ajtoq’inel pwaq chi ke winaq, are wa’ jun nim k’utub’al kab’an pa uwokajil taq nimatinamit”, xcha’.
Eri Subcomisario rech PNC, Carlos García, xub’ij eri reqa’lenel ri GECE e uchapom chik e 103 e ajb’anol taq k’ax ri’ k’a pa le kawokajil, pa le wuqub’ ik’ ri’. “Sib’alaj utz kinna’o in jun chi kuxo’l we puq e ajq’atenelab’ ri’ rech kakiya nim uq’ij ri e ajchajil tinamit”, xcha’.
Rumal ri’, eri 500 chi reqa’lenel ri GECE xkitijoj kib’ pa le Nimatijob’al rech ri PNC, rech Cuilapa, Santa Rosa, pa jun ik’ ri’, chi la’ k’ut xkiketa’maj wi ketaqin chi rij k’aqb’alil, xkich’ob’ utz ub’inisaxik kejach’ich’ ri are la’ kakikojo pa le puqchajinem tzukunik xuquje’ rech b’anoj kunanik ri’.
Eri GECE xb’an uk’utik chi kuwach ri winaqilal pa le 9 rech febrero kanoq rech pa junab’ ri’, rumal ri k’amal b’e Amaq’, Bernardo Arévalo, xuquje’ rumal ri Ministro rech Gobernación, Francisco Jiménez, Chi uwach le Nim Rachoch le Amaq’ Nimatinamit, pa zona 1 rech uk’u’x tinamit ri’.