Aretaq xkiterenb’ej qaraj jun kilómetro pa Villa Ofelia, zona 2 rech Tiquisate, Escuintla, kumal reqa’lenel ri Wokajil Ajchajil Tinamit che ri kechajin chi’, k’o jun winaq xkichap loq ruk’ jun chik ri xk’aqan chi ke ri e ajchajinel e b’enaq pa le ch’ich’ rech chajinik ri’ aretaq xeq’atexik rech ke’ilik e chinaq, rumal k’ut keraqataj pa nimab’e, pa le Toque de Queda ri’.
Eri xchapataj ri’ are jun achi ub’i’ José Ernesto Salazar García, 18 ujunab’ ruk’ jun chik ub’i’ Noé Estuardo Taracena Escobedo, 35 ujunab’, kab’ixik e are xkiraq ri reqa’lenel ri PNC aretaq xkeq’atin chi ke rech kakita kuwujil ri’, ri xka’no e xek’aqan chi ke, xb’antaj k’ut kowinem xechapataj loq.
Eri Tarecena, ajb’inisal rech jun kejch’ich’ xkam chi la’, en k’u ri’ a Salazar, e xe’uk’aq ri e ajchajil tinamit ri’.
Eri xchapataj loq k’o jun k’aqb’al calibre 9mm xraqataj ruk’ ri xk’am b’i pa kunanem ri’, rumal xsakatajik.
Eri reqa’lenel e ajchajil tinamit xuquje’ xetaq b’i pa kunanem ri’ rech xekunax chi’, rumal xesakataj pa le k’aqanik xb’an chi ke kumal nik’aj b’anol k’ax.
Rumal ri’ e k’o e ajq’atol tzij xe’ichb’ilan chi ke ri PNC ri’ rumal pa ya’olchajinem xeka wiri’.