Eri q’atb’altzij rech ri Planificación Estratégica xuquje’ Desarrollo Institucional (JEPEDI) rech ri Wokajil Ajchajil Tinamit (PNC) xkiya’ loq ub’ixik che ri Q’ijol rech K’axk’onem ri’ q’alajisam uwach pa le waqib’ q’ij rech marzo pa le 11 rech julio e k’o 31 mil 870 chi achijab’ e ixoqib’ e chapom chi loq rumal kewa’katik pa le uq’ijom maj wa’katem ri’ ri taqom ub’ixik loq rumal ri k’amal b’e amaq’ rech uq’atexik ri jun Itzel yab’il rech ri Coronavirus (COVID-19).
Pa le 22 rech marzo eri winaqil xechapataj loq e k’o ri’ 5 mil 457, pa abril e k’o 9 mil 789, pa Mayo e k’o 7 mil 356, pa junio 6 mil 621 xuquje’ pa le 11 rech Julio e k’o 2 mil 532 xuquje’ kuk’ 116 xechapataj loq rumal ri kub’ij ri decreto Gubernativo 5-2020 rech are xumaj loq ri Uq’ij ri K’axk’onem ri’ q’alajisam.
Chi ke ri 29 mil 310 e achijab’ ri’ xechap loq, kuk’ e 1 mil 984 chi ixoqib’, pa konojel e k’o 406 chi achijab’ ri’ xuquje’ e k’o 54 chi ixoqib’ ri’.
Eri tinamit che ri qas e k’i xechap wi loq are: pa Ixim Nimatinamit, pa Escuintla, pa Alta Verapaz, Chinab’jul, Quiché, Suchitepéquez, Chimaltenango, San Marcos, Sololá, Sacatepéquez xuquje’ pa Petén.
Pa taq le b’anoj tzukunem b’anom kumal ri e ajchajil tinamit k’u xmajtaj loq ri Uq’ijol ri K’axk’onem pa Amaq’ ri’ q’alajisam, k’o 346 chi k’aqb’alil xraqataj loq, xuquje’ k’o 50 chi ch’ich’ xuquje’ ruk’ 35 chi kejch’ich’ e raqom chik, 89 chi kejch’ich’ xechap loq xuquje’ 63 chi ch’ich’ ri’.
Eri Uq’ojil rech k’axk’onem xtaq ukojik ri’ pa le waqib’ (06) rech marzo rech 2020 pa le Decreto Gubernativo 5- 2020, pa le Decreto Gubernativo 6-2020 are wa’ xke’x ri artículo 05 rech ri Decreto Gubernativo 5-2020, rech xtaq ub’ixik majun winaq chik kawa’katik pa taq ri kajib’ (16:00) kajb’al rech we kamik pa taq le kajib’ (04:00) kajb’al rech pa nimaq’ij pa jun chik, eri Decretos Gubernativos 7, 8, 9 xuquje’ 12 chi upam k’ut xtaq ukojik jun ik’ chik ri Uq’ijol rech K’axk’onem ri’ pa we amaq’.
Xmajtaj loq pa le 22 rech marzo ri’ majun chi winaq xwa’kat chik pa taq le rajilab’al kajb’al ri q’ij che ri xtaq ukojik loq rumal ri k’amal b’e pa amaq’.