Eri reqa’lenel ri SGAIA xkiriq jun nimaja rech b’anb’al awan kunb’alil ri’

Pa uterenb’exik ri jun b’iw ub’ixik rumal jun winaq loq, ri xuya’ wi loq ub’ixik utzijol, che pa le aldea Cayuga, rech Morales Izabal, Finca Los Andes kariqitaj wi jun nimaja xuquje’ k’i k’olib’alil ri’, rumal ri’ eri reqa’lenel ri Subdirección General rech Análisis xuquje’ Información Antinarcótica (SGAIA) pa komonchak kuk’ ri Q’atol tzij rech ri Ministerio Público (MP) aretaq xe’opan che rilik k’a te xkilo tzij b’a’ are jun ja rech b’anb’al awan kunb’alil ri’ che ri kab’an wi setb’alil rech coca xuquje’ ruk’ jun tiko’nib’al ichaj rech coca, ruk’ ri juntir ri kakoj pa le uchakuxik ri’.

Pa taq le rab’arik ja chi’: xriq wi keb’ lame’t rech soda cáustica, jun k’olib’al rech bicarbonato, jun nima setch’ich’ ‘o much’um uxaq coca ruk’ k’ajtz’aqb’al chi upam, keb’ k’olib’al ruk’ gasolina, jeri’ nik’aj ch’ich’ t’u’y, erab’al ja’, q’axeb’al ja’, b’orxa k’ajtz’aqb’al ri’.

Xuquje’ xeporoxik 2,150 chi uche’al coca ri katajin chik ula’wchixik uwach eri rajil are Q. 21,500 ri’.

Eri q’atenik ri’ are rech kak’oji jun Nimatinamit Iximulew maj uwach che awan kunb’alil, rumal ri’ nimakesik’ixik ri winaqil pa tinamit rech chakib’ij loq utzijolil ri’ pa le 1577 pa ch’a’wib’al antinarcótica ri’.

Alerta de Corrupción

Ultimas noticias