Pa 9 rech enero ri’, xmajtaj tijonem pa le Tijob’al rech ch’ob’onem ri’ rech ri Wokajil Ajchajil Tinamit (PNC), pa zona 6 rech k’u’x nimatinamit, rech Nab’e Tijonik Rajwaxik rech B’anoj Ch’ob’onem Ub’antajil ri rapapch’ich’ ri’, chi ke ri 30 reqa’lenelab’ ri Unidad Aérea rech ri Ministerio rech Gobernación (Unagob) ri’.
Eri majib’al tijonem ri’ are xk’am ub’e rumal ri Ministro rech Gobernación, Byron René Bor Illescas, achb’ilam rumal ri Quinta Viceministra, Dana Barillas, ri Cuarto Viceministro rech ri Comunicaciones, Román Cancinos, ri K’amal B’e rech ri PNC, Adal Rodríguez Najarro, ri K’amal B’e rech ri Unagob, Héctor Prera xuquje’ kuk’ ri rajk’amal kib’e ri wokaj ajchajin tinamit.
Rumal wari’ eri Taqawokajnel rech ri Ya’olchajinem pa Amaq’, sib’alaj xub’ij che keb’ junab’ chik umajom uchak ri Unagob ri’ we q’ij kamik kuterenb’ej ub’anik ri tijonem rech ub’antajil taq ri rapapch’ich’ ri’.
Xuquje’ sib’alaj xub’ij che pa le 170 rajilal rapapem pa kajil maj jun tane’ uriqom k’ax ri’. “Eri Unidad Aérea are tajin che chajinem chi ke ri winaqilal, xuquje’ rech katob’an chi ke ri winaqil jeri’ k’o ri’ che uq’atexik ri narcotráfico, jeri’ kub’an nik’aj chik upatan ri’”.
Eri K’amal B’e rech ri PNC, Rodríguez Najarro, xub’ij che ri Unagob wokotal uwach kumal e ajno’j taq reqa’lenel ri PNC, “eri chak kub’an ri unidad ri’ man katanab’ taj, rumal ri’ kub’ij eri uk’aslemaxik tzij ri’ kaya ub’ixik kitzijol che e waqib’ ixoqib’ kuk’ e juk’al kajib’ chi achijab’ ketajin pa le nab’e tijonem rech reta’maxik rapapch’ich’ chowe kaj rech utz uch’ob’ik kakib’an ri’ are wa’ rech kuya uchuq’ab’ ri taqawokajil ri’”.
Eri retal tijob’enem ri’ are la’ rech pa oxib’ ik’ pa le rachoch ri Unidad Aérea rech ri Ministerio rech Gobernación ri’, ri k’o pa le zona 13 rech ri nimatinamit Iximulew.