Eri rox viceministro rech Gobernación, Carlos García Rubio, xk’oji pa jun riqb’alil kuk’ ri rajpatan ri Comisión kech Ixoqib’, rech ri Taqanib’al rech pa Amaq’il ri’, chi’ k’u ri’ xuya’ wi ub’ixik che sib’alaj katajin ri q’atenik b’anoj k’ax chi ke ri ixoqib’ xuquje’ taq ali, rumal ri’ sib’alaj katajin ri b’anoj chomanem kuk’ ri winaqilal rech pa jalajoj taq tinamit rech pa we amaq’.
“K’o jun nim ub’anik ri ya’ltzijolil katajin pa we amaq’il, rech sib’alaj ketoq’ix ri winaqil rech kakib’ij loq wexa’ k’o kakiriq pa taq kachoch ri’, chi ke ri ixoqib’, ri taq ala taq ali xuquje’ chi ke ri e q’apojil ri’” xcha’.
Eri García Rubio, xub’ij che sib’alaj katajinik jun nimalaj puqchajinem kumal e ajchajil tinamit ri’, pa taq le k’olib’al tinamit che ri qas kak’ulmataj wi b’anoj k’ax, rumal ri’ e pa we junab’, e k’o chik 314 chi winaqil e ajb’anol k’ax chi ke ixoqib’ xuquje’ e chapom chik.
“Sibalaj qakojom k’ut ri cholchak rech pa le reqele’n ri Unidad rech ri Prevención Comunitaria rech pa le uq’atexik b’anoj k’ax xuquje’ are chomatal chik k’o qab’ik qopanik pa tinamit pa we amaq’, rech kaqasolij ri Centros rech Apoyo Integral rech Mujeres Sobrevivientes che ri kiriqom k’ax ri’” xcha’.