Are taqim ulik’ik e ajchajinelab’ rech ri Wokajil Ajchajil Tinamit (PNC) pa taq tinamit, rumal wari’ xjaqataj uwach ri subestación policial 52-2-5 pa le Aldea Xococ, pa tinamit rech Rabinal, rech Baja Verapaz.
Pa le ujaqik ri’ xtatb’en wi ri K’amal b’e rech ri PNC, José Antonio Tzuban Gómez, ri Subdirector rech Q’atel k’ax, Hector Hernández, kuk’ ri q’atb’altzij rech chi la’ pa tinamit.
Eri k’ak’ rachoch k’olib’al chi la’ k’o nimaja chi upam rech kak’am wi panoq ri b’iw ub’ixik kumal ri winaqilal, pa taq le chakunja rech ya’b’al ilonem chomanik chi ke ri winaqil kiriqik k’ax, chi’ k’ut kechakun wi 20 chi reqa’lenel ajchajil tinamit ri kek’oji pa amaq’el chi’ rech kek’oji che uq’atexik ri b’anoj k’ax chi’ rumal ri’ e pa taq le ik’ ri e k’i e ajchajinelab’ xetaq chi la’.
Eri Oficial Walter Alejandro Morales Yoj, Taqanel pa le Estación rech Ya’olchajinem pa Rabinal, eri k’ak’ rachoch chajinem ri’ are kachajin pa taq le jo’ob’ kik’olib’alil winaqil ri’ rech kechajin chi ke e 10 mil chi winaqil ri’.
Pa le aldea Xococ are kiriqtajik pa le 9.5 km che ri tinamit, ruk’ ujaqik wa’ chi’ ruk’ wa’ e k’i e ajchajinelab’ kek’oji chi’ pa tinamit ri’ xuquje’ rech kakiwa’lijsaj ri b’anoj chomanem kuk’ ri winaqil chi’ ruk’ le chak patan katajin chi’ rumal ri Modelo Policial rech Seguridad Integral Comunitaria MOPSIC ri’.