Eri Subestación 15-1-5 rech ri Wokaj Ajchajin Tinamit (PNC), kamik xjaq uwach pa le colonia Plan Grande, rech Bárcenas, Villa Nueva, Iximulew, kuya nim uchuq’ab’ ri ya’olchajinem winaqil xuquje’ ri b’anoj kichak ri wokaj ajchajil tinamit pa le q’atenik ri e ajb’anol k’ax xuquje’ ri molaj b’anoj k’ax pa ronojel rulewal ri tinamit aj iximulew.

Eri Ministro rech Gobernación, Francisco Jiménez, ri xuk’am ub’e ub’anik ri nimatzijonem, sib’alaj xub’ij che ri ujaqik uwach we k’ak’ subestación policial ri’ are kuk’utu reqele’n uchak kub’an ri K’amal B’e Amaq’ Bernardo Arévalo xuquje’ ri Vicepresidente Karin Herrera ri’ ruk’ jun nim loq’ab’anik, ruk’ pa saqilal ub’anik kumal ri wokaj ajchajin tinamit. Xuquje’ sib’alaj xub’ij che ri rajchak ri uchakub’al ri’ are k’o nim upatanib’al rech kekowon che ub’anik ri kichak rech ri kanimaxik ri winaqilal e aj iximulew.

Xuquje’ eri Taqawokajnel rech ri Ya’olchajinem pa Amaq’ xub’ij eri k’ak’ subestación policial ri’ ke’uq’i’o rech kejaqab’ chi upam e 24 chi ixoqib’ xuquje’ e 46 chi achijab’ rech ri PNC. Jeri’ xuya ub’ixik chi choman chik kakoj ri sedes policiales pa San Mateo Ixtatán, Chinab’jul; pa Santa María Ixhuatán, Santa Rosa; pa San José La Máquina, Suchitepéquez, xuquje’ pa le colonia Primero de Julio, Mixco ri’.

Eri K’amal B’e rech ri PNC, David Custodio Boteo, xub’ij chewe k’ak’ sede ´policial ri’ are ri’ jun nim q’axenik xb’anik ri kuk’am qab’e rech kaqawok uwach jun wokaj winaqilal ri qas kub’al k’u’x xuquje’ are jun utzilaj chuwwe’q kab’ij chaqe qonojel. “Qataqim b’a’ jun suk’alaj b’e rech kaqanimaj ub’anik ri jun nimachak, rech kaqab’an b’a’ jun nimanem ruk’ usuk’ulal, nimab’a ib’ xuquje’ pa usaqilal ri’” xcha’.

Pa le nimatzijonem xtatb’enik ri Viceministra de Seguridad, Claudia Palencia ri’; ri Viceministro Administrativo, Felipe Sánchez ri’; ri Viceministro rech Tecnología rech ri Información xuquje’ ri Comunicaciones, William Cameros ri’; ri Director General Adjunto rech ri PNC, Helver Beltetón ri’, ri rajtaqanel ri wokaj chajin tinamit, ri ajchomanelab’ ri BCIE  kuk’ ri winaqilal e sik’im chi’.

Yakon rachoch chajin tinamit

Eri k’ak’ rachoch chajin tinamit ri’ are xb’anik ruk’ taq rachib’al k’olemalil rech are ke’uto’o ri chak kakib’an ri wokaj chajin tinamit. Pa le upatan kub’an ri subestación ri’ xeya uch’ich’ autopatrullas, kejach’ich’ xuquje’ ri jastaq rajwaxik kakoj pa le ya’olchajinem. Pa le rachoch ri’ kak’oji wi ri oficinas, ri rech k’ulub’al winaq, warib’alil, b’anob’al wa, k’olib’al k’aqb’alil xuquje’ ch’ajamb’al, ruk’ nik’aj chik.

Eri rajil ri yakon subestación ri’ eri rajil are Q6 millones 911 mil 522.26, are pwaq xya loq pa qajom rumal ri  Banco Centroamericano rech Integración Económica (BCIE) chi rech ri Amaq’ Iximulew, xya loq pa uq’ab’ ri  Programa rech ri Desarrollo rech ri Infraestructura xuquje’ Equipamiento rech ri Modernización rech ri Wokaj Chajin Tinamit xuquje’ chi rech ri Sistema Penitenciario (SP) ri’.