Pa Iximulew ri’, 28 rech agosto rech 2026. Eri Taqawokaj Amaq’ Iximulew ri’, pa uchakunik ri Ministerio rech Gobernación, sib’alaj tajin che kaq’atexik ri nik’aj molaj b’anol k’ax ri’ xuquje’ rech uchuq’ab’irisaxik ri chajinem pa rachoch taq ri japache’ tz’apib’al. Eri puqtzukunem xb’an pa le 13 pa le 26 rech agosto ri’, eri wokajil rech chajinem xkiya utzijol che k’o 690 chi uwinaqil taq molaj b’anol ki’ax xechapik, k’o Q548 chi pwaqil b’otolik xriqitajik, k’o 49 chi esal rachib’al ri videovigilancia xesax loq xuquje’ k’o 15 chi b’anow tzukunem xb’an pa taq ri japache’ tz’apib’al.
Eri nab’e viceministro rech Seguridad rech ri Ministerio rech Gobernación ub’i’ (MINGOB), a Estuardo Solórzano Elías, sib’alaj xub’ij che ri xriqitaj loq pa le kemon puqtzukunem rumal ri Wokajil Ajchajin Tinamit (PNC), rumal ri Wokajil Japache’ Tz’apib’al ub’i’ (SP) xuquje’ kumal taq ri jalajoj jachakub’al rech tzukunem tzij ri’ rech chajinem ri’, are uwach ri b’anob’al chajinem tzukunik pa rulewal amaq’ tinamit.
Nimalaj xq’atexik kipwaqil ri ajb’anol k’ax
Eri jun runimalil ri xriqitajik are Q548 chi nimapwaq b’otolik, xriqitaj pa jun nimaja pa le colonia El Granizo II kumal rajtzukunelab’ ri División Especializada rech Investigación Criminal (DEIC). Eri q’atb’al tzij xkib’ij, che ri pwaq xriqitaj ri’ are rajil taq ri toq’im pwaq xkib’an chi ke winaq ri’. Eri ajtzukunelab’ ri’ ketajin che uq’alajisaxik uwach taq ri pwaq che ri xkiriq loq.
Eri uriqik ri pwaq ri’ are la’ jun nim uq’atexik ri kipwaq kik’olme’r nik’aj molaj b’anol k’ax xesax pa kaq’ab’ ri’ xuquje’ are uwach ri chakunem xb’antaj chi kij ri’ rech keq’atatajik.
Xya ub’ixik che e k’o 690 chi winaqil ri’, rumal ri’ eri nik’aj molaj b’anol k’ax xetaq b’í pa japache’ tz’apib’al.
Rumal ri b’anow ri chajinem tzukunik ri’ xub’an ri’ rech xechap loq e 690 chi e’uwinaqil ri nik’aj molaj b’anol k’ax rech ri Barrio 18, ri Mara Salvatrucha (MS) uxquje’ ri Whi8te Fence 13 (WF13).ri’.
Eri kachapik nik’aj b’anol k’ax ri’ rumal ri Subdirección General rech Investigación Criminal (SGIC), are rech taqim kaq’atexik nik’aj molaj b’anol k’ax che ri keriqitaj che b’anik k’ax pa amaq’ tinamit, ri xeq’alajib’ pa taq le tzukunem tzij xb’antaj ri’.
Josq’anem taq ri k’olib’al ri chapom kumal b’anol k’ax pa tinamit
Pa le oxib’ uq’ab’ tinamit rech ri nimatinamit rech Iximulew, eri rajtzukunelab’ ri SGIC xkesaj k’ut 49 chi esal rachib’al chajinem pa videovigilancia ri’, ri xq’alajinik, xuk’utu che e’are nik’aj uwnaqil ri molaj b’anol k’ax xkikoj chi la’ k’ut.
Eri rajilal ri xk’ulmataj pa taq le ik’ kanoq, are chi’ xb’an resaxik ri 40 chi kemechakub’al. Eri uwach ub’anik ri nimachak ri’ rech xb’an ujosb’anik uwach taq k’olib’alil xuquje’ rech xya uchuq’ab’ ri chajinem pa taq ri k’olib’al che ri qas kab’an wi ri k’ax.
Eri taqawokaj rech tinamit kuchuq’ab’irisaj ri chajinem pa japache’ tz’apib’al
Eri chajinem ri’ are kaya nim uchuq’ab’il pa taq le rachoch ri japache’ tz’apib’al. Pa le q’ijol ri’ xya utzijiol che k’o 15 chi tzukunik xb’an pa taq ri japache’ tz’apib’al pa amaq’ tinamit, are la’ xb’an rumal ri Taqawokajil rech Japache’ Tz’apib’al pa kemon chakunem ruk’ ri PNC xuquje’ kuk’ ri Taqawokajil Rajchajinelab’ ri Amaq’ Iximulew.
Eri rachoch taq ri japache’ tz’apib’al xtzukuxik ri’ are ri Reinstauración Constitucional (Pavoncito), Fraijanes II,pa Sector 11 rech ri Preventivo rech ri zona 18, ri Centro rech Aislamiento Penitenciario (CAP) ri’, ri Granja rech Rehabilitación Canadá, Renovación 1 ri’, pa Chimaltenango, ri centro rech Orientación Femenino (COF) xuquje’ pa Los Jocotes, Zacapa ri’.
Eri je’l chajinem are xq’atenik kib’e nik’aj ajpache’ ri xkaj xkesaj b’i kib’ pa Pavón
Pa le 26 rech agosto ri’, eri rajchajinelab’ ri PNC kuk’ ri rajchajinelab’ ri Amaq’ Iximulew xkiriq k’ut jun b’e b’anom pa juyub’ pa le Granja Modelo rech Rehabilitación Pavón, pa Fraijanes, Iximulew.
Eri jastaq xriqitajik pa le b’anow chajinem tzukunik xkoj chi la’ rech xeq’atexik nik’aj e’ajpache’ ri xkaj xkesaj b’i kib’ chi saq ri’, ruk’ ri kaq’atexik ri’ kak’utik chi k’o jun nim upatanib’al ri ya’ik uchuq’ab’ ri chajinem xuquje’ rumal k’ut xb’antaj kowonem xeq’atexik pa le japache’ tz’apib’al.
Pa katzukuxik xb’antaj kowonem xriqitaj ri’ k’ilaj taq ch’a’web’alil ri’ ruk’ chomilaj taq tzam ri’, xuquje’ xtulisax ri yakon tun b’e ri’ xuquje’ rech xeq’axexik pa jun k’olib’al nik’aj e’ajpache’ ri’.
Eri chajinem k’o nim upatan xub’ano
Eri Ministerio rech Gobernación ri’ pa amaq’el katajin che ub’anik ri kemonchak ri’ rech kaq’atexik ri b’anow taq k’ax, rech kaya’ik uchuq’ab’ ri b’anow taq chajinem xuquje’ rech sib’alaj keto’ik ri winaqilal.
Eri nab’e viceministro rech Seguridad sib’alaj xub’ij ucholaj ri b’anow taq puqtzunem ri kab’an pa amaq’el pa kemonchak ri’, ruk’ taq b’anob’alil rech kaya nim uchuq’ab’ ri chajinem chi la’ pa le rachoch japache’ tz’apib’al jeri’ chi saq chi re, xuquej’ kab’an pa kemonchak ri kaq’atexik ri nik’aj b’anol k’ax ri’.
Ri chajinem ri’ are kab’an kuk’ ri je’l ajtzukunelab’, pa kemonchak ub’anik ri’.