Ri’
Eri Ministerio rech Gobernación (Mingob), ri Viceministerio rech Transportes rech ri Ministerio rech Comunicaciones, Infraestructura xuquje’ Vivienda (CIV) xuquje’ ri Dirección General rech Aeronáutica Civil (DGAC) ri’ kakiya uchuq’ab’ ri kemon chomanem rech b’anow ri chajinem kub’al k’u’x xuquje’ pa le Aeropuerto Internacional La Aurora (AILA).
Eri uwach ri kemonchak ri’, pa viernes ri’ eri q’atb’al tzij rech ri wokajilal xkib’an jun kab’inik pa taq le rachoch ri terminal aérea xuquje’ ri xkik’iso ub’anik pa le jun molaj b’anow chomanem ri’ chi rij taq ri uq’atexik ri b’anoj k’ax, ri chajixik ri winaqilal xuquje’ wexa’ k’o k’ax kak’ulmatajik rech kaq’atexik, jeri’ rech kab’an pa molajib’ ri kemonchak kumal ri taqawokajilal ri’ che ri keriqitaj pa chajinem pa le aeropuerto ri’.
Eri uwokik uwach ri kemonchak pa wokajil ri’ are utaqim ub’anik ri chajinem pa kub’al k’u’x pa le terminal aérea ri’, rech uq’atexik ri k’ax, rech kakub’isax ub’anik ri chajinem pa amaq’ tinamit xuquje’ rech kab’an ri tob’anem rajawaxik chi ke ri winaq e’aj iximulew kuk’ taq ri e’ajsolinel pa qatinamit ri’.
Pa le uq’ijol ri’, eri jupuq rajchajinelab’ ri Wokajil Ajchajin Tinamit (PNC) pa amaq’el k’ut kakib’an ri kanimaxik kachajixik ri winaqilal xuquje’ rech kakiq’atij ri k’ax ri’ rech kechajin pa taq uk’olib’alil ri aeropuerto ri’, jeri’ rech kakikub’isaj uq’atexik taq ri k’ax wexa’ k’a te’et kak’ulmatajik.
Eri ministro rech Gobernación, Marco Antonio Villeda xuquje’ ri viceministro rech Transportes, Fernando Suriano, xek’oji pa molaj chomanem ri’, chi la’ k’tu sib’alaj xkiya wi chi kuwach rech pa amaq’el kakib’an ri kemonchak ri’ rech ya’ik uchuq’ab’ ri b’anow chajinem pa le okib’al rech pa le aeropuerto k’o pa amaq’ tinamit ri’. Eri chajinem pa le aeropuerto ri’ are kutoq’ij jun nim kemonchak chajinem kumal ri taqawokajil.
Eri kemonchak ri’ kumal ri taqawokajil are kuya nim uchuq’ab’ ri q’ateb’al k’ax, rech utz ub’anik ri chajinem kab’anik pa taq ri uk’olib’alil ri Aeropuerto Internacional La Aurora ruk’ pa suk’lal tzij xuquje’ pa kub’al k’u’x.
Pa jun b’anik uchomaxik ri Iximulew ri’, eri kemonchak pa wokajilal xuquje’ are rech b’anik chajinem ri’.