Eri b’anob’al utaqixik ri b’anow pa utzilem ub’anik ri unimaq’ij ri amaq’ tinamit xuquje’ rech maj nab’ejsab’al q’ateb’al k’ax ri’ pa taq le utzijik b’i ri antorchas rumal le 205 ujunab’ kutz’aqatisaj utuke’lem rib’ pa utaqanik ri Iximulew ri’.
ri Ministerio rech Gobernación, pa reqale’n uchakunik ri Tercer Viceministerio rech Prevención rech ri Violencia xuquje’ ri Delito, xumaj ub’anik ri ya’ltzijolinem ub’i’ “Llama de la Prevención”, jun cholchak rech k’o nim upatan pa rulewal amaq’ tinamit rech kunab’ejsaj uq’atexik taq ri b’anow k’ax pa taq le uq’ijol unimaq’ij ri Fiestas Patrias ri’ xuquje’ rech kab’an utzijik b’i ri antorchas pa kub’al k’u’x, pa joremalil xuquje’ pa suk’ilal tzij.
Pa ub’i’ ri nimatzij ri’ pa kaxlan tzij “In jun b’a’ pa le utz chomanem ri’ #YoSoyPrevención”, eri q’atb’al tzij xkib’an jun ub’ixik kasik’ixik ri e’ajtijoxelab’ ri’, ri e’ajtijonelab’, ri e tat nan kachalalil, ri e’ajb’insal ch’ich’ kuk’ juntir ri winaqilal rech chakib’ana b’a’ ri chomanem ri’ pa suk’ilal tzij chi kiwach. Eri cholchakunem ri’ are taqom xmajtaj loq ub’anik rumal ri Unidad rech ri Prevención Comunitaria rech ri Violencia (UPCV), ruk’ ri utob’anik ri Subdirección General rech Prevención rech ri Delito (SGPD) rech ri Wokajil Ajchajin Tinamit (PNC), xuquje’ ri uch’ob’om kub’an ri’ ri kapixb’exik ri ketarab’ pa le uk’amikri b’i ri antorchas pa rulewal amaq’ tinamit.
Are wa’ xub’ij ri taqawokajnem ri’
Eri viceministra rech Prevención, Mayda de León, sib’alaj xub’ij che ri uq’ijol ub’anikil taq ri antorchas ri’ are ri’ retal nab’ejsab’al uq’atexik ri k’ax xuquje’ are ri’ jun b’anik utzijolixik ri q’alanem tzij chi ke taq ri winaqilal e’achalalalil e’aj iximulew pa uq’ij utuke’lemal rib’ amaq’ tinamit. Sib’alaj xub’ij che pa taq le nimaq’ij rech amaq’ tinamit rech pa junab’ir kanoq k’o ri k’ax b’a’ xk’ulmataj ri’ kumal ri wianq ri xkek’aqan ruk’ k’olib’al taq ja’ ruk’ hielo xuquje’ ruk’ nik’aj chik jastaq katech’etenik, ri man utz taj xub’an che ri ub’anikil taq ri nimaq’ij ri’.
Rumal ri’, xub’an jun kasik’ixik ri winaqil pa tinamit rech pa suk’ilem tzij b’a’ kek’oji ri’, jeri’ rech chakib’ana b’a’ nim che kib’ rumal e’aj iximulew tinamit ri’. “Na’tal b’a’ chaqe che ronojel q’ij kaqatijo ri k’ax che utzoqopaxik rech qas kutuke’lej rib’ qatinamit ri’”, xcha’.
Pa le b’anowem ri’ xuquje’ are jun xtatab’enik ri viceministro Administrativo, Kelvin Aguilar; ri viceministra rech Tecnología, Karen Ortiz; ri subdirector rech Prevención rech ri SGPD, Pablo Rodríguez; xuquje’ ri k’amal b’e rech ri UPCV, Alberto Luján Villagrán ri’.
Ruk’ ub’anik wari’, eri Ministerio rech Gobernación kutzukuj ub’anik pa joremal ri unimaq’ij ri amaq’ tinamit rech utuke’lemal pa utzilem pa k’amow ib’, ruk’ ronojel ranima’ xuquje’ pa uno’jb’alil tinamit, xuquje’ rech ya’ik uchuq’ab’ pa suk’ilem tzij, pa nimab’al tzij xuquje’ pa le no’jb’anikil joremal ri’.