Eri utunixik b’anow chak pa wokajilal rumal ri Ministerio rech Gobernación (Mingob) xuquje’ ruk’  Ministerio rech ri Defensa Nacional (Mindef) katajin che ya’ik uchuq’ab’il ri chajinem pa kiwi tinamit pa rulewal amaq’il ri’. Rumal ri’ eri ministro rech Gobernación, Marco Antonio Villeda, ruk’ ri ministro rech ri Defensa Nacional, Henry Sáenz, xkijeqib’a jun jupuq chomab’al rec kakichomaj ub’anik ri kemon chakunem ri’.

Eri riqonem ri’ are kutzukkuj uterne’xik ri ya’ik uchuq’ab’il ri b’anow chak tob’anem ri’ kumal taq ri keb’ wokajilal rech pa kemon chakub’al ri’ kakib’an ri nimachajinem ri’ rech kakito’o ri winaqilal e’aj iximulew. Pa le riqonem ib’ ri’, eri q’atb’al tzij xkib’an uch’ob’ik rech ri utzilaj kemonchak ri’ xuquje’ rech uya’ik uchuq’ab’il ri kichak kipatan ri wokajilal ri’ pa le uq’atexik taq ri k’ax xuquje’ rech kakiq’atij nik’aj e’ajb’anol taq k’ax.

Eri kemonchak ri’ are k’o jun utzilaj chajinem winaqil ub’anom, jeri’ pa le kaq’atexik nik’aj b’anol k’ax, ri nuk’molaj kamisanem xuquje’ pa le uriqik ri awan kunb’al ri’. Eri molaj b’anow chomab’al ri’ are kub’an uterne’xik ri kemonchak ri’ xuquje’ rech kuq’at ub’anik taq ri chakunem pa wokajilal rech are katob’anik pa le b’anik ri utz chajinem pa rulewal amaq’ tinamit.