Eri viceministra rech Q’ateb’al K’ax rech ri Ministerio rech Gobernación, al Mayda Alejandra de León Wantland, xuk’am ub’e jun riqb’al ib’ rech chak kuk’ rajq’atol tzij ri Ministerio Público (MP) xuquje’ kuk’ ri Wokajil Ajchajil Tinamit (PNC), rech xterne’xik ri b’anow kemonchak pa taqawokajil pa le uchomaxik ri ilonem chi ke ri ixoqib’ ri e q’axenaq pa taq ri k’ax.
Pa le riqb’al ib’ ri’ xtob’an chi’ ri Ministerio Público pa le Coordinadora Nacional rech ri Q’ateb’al K’ax pa Kachoch chi ke ri Winaqib’ xuquje’ chi ke ri Ixoqib’ (CONAPREVI), ruk’ ri ilonem chomanik chi ke ri winaq e q’axenaq pa k’ax, are chak ri’ tajin ub’anik rumal ri PNC pa le Oficina rech Chomanem chi ke Winaq e Q’axenaq pa K’ax. Chi’ k’u ri’ xb’itaj wi ri chajinem tob’anik xuquje’ ri kachomaxik kab’an ruk’ ri B’anow Chomanem chi ke ri Ixoqib’ e Q’axenaq pa K’ax (MAIMI).
Eri choltajem chak ri’ xuquje’ xuk’am b’i utzijol chi rij taq ri K’olib’alil rech Tob’anik Chomab’al kech Ixoqib’ e Q’axenaq pa K’ax ri’ (CAIMUS) ub’i’ jachakub’al pa amaq’ tinamit ri’, jeri’ xb’an uk’utik taq ri wujilal rech q’ateb’al taq k’axk’olil chi ke taq ixoqib’ ri’ ri chakum rumal ri Jachakub’al rech Q’atel K’axk’olil pa taq Komon ri’ (UPCV). Xuquje’ eri q’atb’al Tzij rech Ixoqib’ rech ri Ministerio Público xuk’ut utzijolil chi rij taq ub’anik ri k’axk’olil kupetisaj ri ch’ojonem pa achk’ulajil.
Pa le riqb’al ib’ ri’ xek’oji pa ub’i’ ri Ministerio Público, al Dionicia Cuin Suy, ajtz’ib’anel rech ri Política Criminal; ri al Claudia Solís, fiscal rech sección adjunta rech Q’atb’al Tzij rech Ixoqib’; al Berónica de León, fiscal rech sección rech ri Q’atb’al Tzij rech Ixoqi’; al Janeth Pérez, rech K’amal B’e rech ri MAIMI rech ri Q’atb’al Tzij rech Ixoqib’; xuquje’ al Dolly López, aj subsecretaria rech ri Q’atb’al Tzij rech Ixoqib’ rech ri MP.
Xuquje’ are jun xk’oji al Lilian Alvarado, ajq’atol tzij rech Atención rech Víctima rech ri Subdirección General rech Operaciones ri’ rehc ri Wokajil Ajchajil Tinamit, ri xub’an jachik ub’ixik ri tzijolil chi rij taq ri b’anow kachomaxik ri winaq e q’axenaq pa k’ax.
Wa’ ri riqb’al ib’ rech chak ri’ are rech katerne’x ub’anik ri komonchak kuk’ taq ri wokajilal, rech kaya utzijol chirijt aq ri chomanik ya’talil xuquje’ rech kaya uchuq’ab’ ri q’ateb’al k’ax, ri ilonem tob’anik chi ke ri ixoqib’ e q’axenaq pa k’ax.