Eri uro’ riqob’al ib’ rumal ri Junamil Uch’ob’9ik ri Winaqilal (GEDS) kuk’ut chi k’o uq’ij upatanib’al ri ya’el uchuq’ab’ ri ri chak kumal ri taqawokajil rech uq’atexik ri k’ax k’ulmatajem ri kape rumal ri kaj kaqiq’ kajulew ri’ pa Iximulew. Ruk’ wa’, taqim jun rilonik pa aninaqil tob’anik are chi’ kaya’ utzijol ri k’ax ri’, rech kakub’isax ub’anik utzilal chi ke ri winaqilal.
Chijujun taq le patanib’al ri k’o pa le GEDS, xuquje’ ya’tal ub’ixik ub’anik ri chak chi ik’ ri’ jas le ub’anik le chak b’anom ri’ pa taq ri ub’antajil xuquje’ ri reqale’xik ub’anik utzilal ri chak b’anom jacha pa uchomaxik ri rajawaxik chi ke ri winaqilal ri k’o k’ax pa kiwi’ ri’ xuquje’ ri kakitij ri k’axk’olil k’o pa le amaq’ tinamit.
“Are wari’ ri k’axk’olil jas ri k’o pa qawi’, pa le pa le b’anon taqanem pa tinamit rajawaxik kaq’axexik ub’anik ri’ xcuquje’ rech sib’alaj pa aninaqil kachomax ri winaqilal pa tinamit, rech kab’an uta’ik taq ri chakub’alil pa ujikomal ri’ xuquje’ kataqixik kaq’atex ri k’ax pa taq ri komon winaqilal ri’”, xcha’ ri ukab’ k’amal b’e, Karin Herrera, ri xub’an ri moloj ib’ ri’.
Sib’alaj xub’ij eri upatanib’al rech ya’ik uchuq’ab’ ri komonchak kumal ri taqawokajil rech ri Amaq’, ri k’amal b’e taq tinamit, uq’ab’ tinamit, rech ri ya’ik ri chajinik chi ke ri winaqilal xuquje’ jun utzilaj to’b’al chi ke ri ri k’ax kape rumal ri kaqiq’ kajulew ri’, rech ri q’ateb’al pa aninaqil rech kuwok taq rib’ pa jun nimalaj k’axk’onem ri’.
E k’o ri chajinelab’
Rumal ri k’ax ri’, eri ukab’ pataninel rech Q’ateb’al ri K’ax ri B’anow Mak ri’ rech ri Ministerio rech Gobernación (MINGOB), al Mayda De León, xuya utzijol che we chanim ketaqik ri ajchajinelab’ ri Wokajil Ajchajil Tinamit (PNC) pa taq k’olib’al k’o ucholajil xuquje’ pa taq tinamit cvhe ri ya’om ub’ixik, che wexa’ ri k’o ri k’ax kak’ulmtaj ri’.
Le De León xub’ij k’ut che pa junamil xekoj ri ucholaj k’olib’alil pa taqawokajilal pa le b’anow cholchak ri’ ub’i’ “Jun Q’ij kuk’ ri Nuwinaqilal”, rech ya’ik ub’ixik chi rij ri ub’anikil ri kaqiq’ kajulew, rech ri ya’ik uchuq’ab’ ri b’anonem wexa’ k’o ri k’ak’ulmataj rumal kaqiq’ kajulew.
Cholchak b’anom
Eri cholchak ri’ xumaj uk’utik ri ucholaj chakunem ri’ rech ri kakoj ri Ub’anik ri No’jib’al rech ri K’aslemal pa kiwi’ ri nab’e taq kijunab’ ri ak’alab’ ri’ (PPDIPI). Eri chakum pa ik’ julio pa septiembre ri’ pa we junab’ ri’, eri qas xchakuxik are ri katijoxik ri e 175 chi winaqilal chi rij uq’atexik ri k’ax k’aslemal chi rij ri ch’akulal, reqa’lexik k’ax chi ke ri winaq, ri uk’ayixik winaq, ri ch’ijom k’ax chi ke winaq, rech b’anik utzilem kachajixik ri taq ak’alab’, e ab’om alitom ri’.
Rumal b’a’ ri ub’anik ri no’jib’al ri k’aslemal ri’, eri ukab’ k’amal b’e amaq’ al nan Herrera, xub’ij chi ke ri b’anow molaj chak che rech ya’ik kichuq’ab’ ri b’anow chak rech b’anik utz che ri PPDIPI. “Man rech taj kab’an tane’ ri chak, rumal k’ut eri ub’ixik pa ananiqil ri’ man rech q’atatal uwach ri ub’anik ri no’jib’al jacha k’o pa le Uk’aslemal ri taqanib’al ri’, are rajawaxik kab’an uch’ob’ik ub’anik pa utzilal ri’”; xcha’.
Pa le moloj ri’ xopan wi ri viceministra rech ri NImalaj Tob’al Kik’aslemal Winaqilal ri’ rech ri Ministerio rech Desarrollo Social (MIDES), al Bertha Zapeta, ri secretaria privada rech ri Vicepresidencia, al Miriam Miyares; ri viceministro rech Atención Primaria rech Salud ri’ rech ri Ministerio rech Salud Pública xuquje’ Asistencia Social (MSPAS), a Carlos Santa Cruz; xuquje’ kuk’ nik’aj chik rajpatanelab’ ri Amaq’.