Eri Taqawokaj pa amaq’ xumaj ri ya’olchajinik ub’i’ “Suk’umalil xuquje’ chajinem Jun”

 

Aretaq xb’antaj ri nab’e riqb’al ib’ rumal ri Taqawokaj rumal ri K’amal b’e Amaq’il, Doctor Alejandro Giammattei kuk’ ri Ministros, eri taqawokajnel rech Ya’olchajinik, Edgar Godoy, xuya’ utzijol che we kamik pa taq le tinamit rech Mixco xuquje’ San Juan Sacatepéquez xsaqarik ruk’ jun Korlim Ya’olchajinik ri’ rech uq’atexik b’anoj k’ax chi’.

Eri utaqim ruk wari’ are rech kato’ uwach kik’aslemal winaqil xuquje’ rech majun kab’anoj k’ax chi ke ri winaqil pa ronojel q’ij ri’.

Xuquje’ rech kachajix kijastaq rech keleq’ax ta kumal ri itzel winaqil kakib’an k’ax ri’, ri kexib’in chi ke rech kakisach kanoq kijastaq xuquje’ rech kakitoj ri toq’inik pwaq ri’.

Xuquje’ are wa’ rech uq’atexik b’anoj k’ax, rumal ri’ kab’an ri ya’olchajinik chi ke ri winaqil ri’ xuquje’ rech pa joremal kek’oji chi’, xcha’ ri Giammattei Falla.

“Kamik xmajtaj kaq’atexik ri e ajb’anol k’ax ri’, ri kamisanelab’, ri e ajtoq’inel pwaq xuquje’ ri nuk’wokaj kamisanem kumal pandillas xuquje’ ri maras”, xcha’ ri Taqanel k’amal b’e amaq’ ri’.

Are wa’ uwach ri nab’e riqb’al ib’ pa taqawokaj kuk’ ri ministros, chi’ k’u ri’ xchomatajik che sib’alaj rajawaxik kab’an ri tzukunem ya’olchajinik ri’, xuquje’ rech majun b’anoj k’ax pa tinamit, eri korlim ya’olchajinik are k’o pa usaqil pa le taqanawuj ri’.

Eri b’anoj korlim ya’olchajinik are k’o pa ujikomal unimaxik ub’anikil ri Ya’talil Winaqil ri’, rech are kanimaxik kuwach ri ya’talil chi ke ri winaqil rech kak’oji ri kub’al k’u’x che ri qas rajawaxik chaqe, xcha’ ri K’amal b’e Amaq’ ri’.

“Eri qachak are wa’ pa komon katajin kuk’ ri e ajchajil tinamit, kuk’ ri e ajchajil amaq’, kuk’ ri Ministerio Público xuquje’ kuk’ ti taqawokajil rech nik’aj chik tinamit ri’” xcha’.

Xuquje’ xrechb’ej ub’ixik chi ke ri winaqil che ri ya’talil ri’ rech chinaq karaj k’o kuya’ loq ub’ixik pa le 110 xuquje’ pa le 1574, xuquje’ xub’ij che pa junamil ri winaqil e aj iximulew xuquje’ ri q’atb’altzij pa amaq’ kujkowin k’ut che uya’ik joremal pa tinamit xuquje’ ri kub’al k’ub’al ri sachinaq uwach kanoq.

Alerta de Corrupción

Ultimas noticias