Eri b’anoj korlim ya’olchajinik ub’i’ Recuperación xuquje’ Control 1, are utaqim kaq’atexik e ajb’anol k’ax, ri kamisanelab’, ri kakitoq’ij pwaq xuquje’ ri pandillas xuquje’ ri maras, rumal ri’ katajin pa taq le nuk’wokja chi’ xuquje’ pa colonias rech ri tinamit rech Mixco xuquje’ San Juan Sacatepéquez ri’.
Eri korlim ya’olchajinik ri’ are katajin pa komonb’al kumal ri wokajil e ajchajil amaq’ tinamit wokotal uwach kumal ri Wokajil Ajchajil Tinamit (PNC), ri Wokajil e Ajchajil Amaq’ Iximulew xuquje’ kumal ri q’atol tzij rech ri Ministerio Público rech ketajin che kaqan xuquje’ pa kaqiq’, tajin ke’ok pa taq siwan, pa taq tz’ilib’im b’e, pa uxo’l taq ja rech ri colonias ri’. Chi’ k’o uk’olib’al ya’olchajinik xkoj pa taq avenidas rech pa taq tinamit ri’.
Eri korlim ya’olchajinik ri’ are xkojotaj kamik rumal ri K’ak’ Taqawokaj rech Iximulew xuquje’ are uwach ri b’anoj tzukunem ya’olchajinik k’o pa le taqanatzij ub’i’ Decreto 1-2020 ri xya’taj utzijolil pa le Diario Oficial ri’ chi’ k’u ri’ Eri Taqawokaj pa Amaq’ kub’an ri Q’atenik b’anoj k’ax pa le keb’ taq tinamit ri’.
Pa taq le k’olib’al ya’olchajinik ri’ are xkoj pa le bulevar El Caminero zona 6 rech Mixco, el Milagro, zona 6 rech Mixco, nimab’e kab’e pa San Juan Sacatepéquez ri’, chi’ katajin usolixik wi kuwujil e ajb’inisal taq ch’ich’ kuk’ ri ajkejch’ich’, kuwujil ri e ajb’inisal ch’ich’ rech erelwinaq pa tinamit xuquje’ rech pa taq tinamit xuquje’ kakisolij kuwujil ri e ajb’inisaxel pa taq le ch’ich’ ri’, k’o chakub’al keqam rech pa le rilik retal uwi’kaq’ab’ chi’.