Eri Viceministro rech Q’atel k’ax ri’, Carlos García Rubio aretaq xjaqataj ri retal tijonem chi rij “Q’atenik k’ax chi ke ixoqib’”, ri xyat’aj chi ke rajchak ri Ministerio rech Gobernación ri’ xuquje’ are ri’ xjuch’ uwach pa le Wujilal rech Chomab’al rech ri’ rumal ri Ministerio rech Gobernación pa reqele’n ri Unidad rech Género Multiculturalidad, Juventud xuquje’ Niñez xuquje’ rumal ri Instituto Universitario kech Ixoqib’, rech ri Universidad rech San Carlos rech Guatemala ( IUMUSAC), xub’ij che kariqitaj pa le b’anoj chomanem kuk’ ri institutos rech ri nimatijob’al ri’.
“Kojtajin k’ut che b’anoj chomanem kuk’ ri jalajoj institutos rech ri Nimatijob’al rech San Carlos rech Iximulew ri’ rech pa saqil chik kab’an ri tijonem rech Q’atenik k’ax ri’ xuquje’ rech Ya’olchajinem Winaqil xuquje’ rech pa Joremal kek’oji ri winaqil ri’, ri are la’ kaqawok uwach ruk’ ri Instituto Nacional rech Estudios Estratégicos xuquje’ are rajwaxik ri’ are le USAC kub’ij che utz kab’an ri tijonem ri’ pa jun wujil, rech are kab’an Diplomados che”, xcha’ ri García Rubio.
Xub’ij chik che are la’ xunimaj ub’anik kanoq ruk’ ronojel ri uwach wujtijonem che ri kuta loq ri Unversidad rech San Carlos rech Iximulew, xuquje’ ruk’ juntir ri uq’ijol rech b’anoj ch’ob’onem chi rij ri retal tijonik we ri’.
Te k’u ri’ eri Tercer Viceministro xub’ij are la’ katerenb’ex uwokik uwach ri’ are rech b’a’ eri rajchak ri Ministerio rech Gobernación kakowon b’a’ che ukojik pa tijonem chi rij reta’maxik b’anoj q’atenik k’ax ri’.