Pa enero k’a pa we q’ij ri’, eri tzukunelab’ rech ri División Especializada rech Investigación Criminal (DEIC) rech ri Wokajil Ajchajil Tinamit (PNC), e k’o 825 chi ixoqib’ ri ya’om kitzijol e sachinaq pa le Alerta Isabel Claudina, xuquje’ e k’o 347 chi ixoqib’ karaj na keriqitajik rumal ri’ sib’alaj katajin katzukuxik ri’.
Pa le nuk’ulem rajilab’al ri’, eri Nimatinamit rech Iximulew ri’ chi’ ya’om wi kitzijol 476 b’iw ub’ixik pa alertas ri’, chi ke ri’ e k’o 355 e riqom chik, are karaj na keriqitajik e 121 chi ixoqib’ ri’ e are la’ sib’alaj katajin katzukuxik ri’.
Pa Xe’laju’ ri’ e k’o 71 e sachinaq tajin ketzukuxik, e k’o 53 e riqom chik xuquje’ e k’o 18 katajin na katzukuxik, e pa Escuintla e k’o 30 e riqom chik xuquje’ e k’o na 6 maja’ na keriqik. E pa San Marcos ri’, e k’o 56 e sachinaq chik, e k’o 32 e riqom chik xuquje’ e k’o 24 sib’alaj katajin na katzukuxik.
Pa Alta Verapaz, e k’o 53 sib’alaj katajin katzukuxik, chi ke ri’ e k’o 34 e riqom chik xuquje’ e k’o e 20 karaj na keriqik. Jeri’ pa taq nik’aj chik tinamit e k’o pa 10 pa 30 ri e sachinaq ri’.
Eri chakunem kumal ri tzukunelab’ rech ajchajil tinamit ri’ sib’alaj katajin na, are la’ maltyox chi ke ri winaqil rumal tajin kakiya’ loq ub’ixik ri’, chi ke ri’ e k’o e sachinaq rumal b’anoj taq ch’oj chi kuxo’l taq juk’ulaj winaq, nik’aj chik rumal kakaj ta kepixb’axik, nik’aj chik rumal xkiriq kachijilal, nik’aj rumal xkiriq utz taq kichak pa taq nik’aj chik tinamit.
Rumal ri’ eri q’atb’al tzij rech ri Ministerio rech Gobernación kuta chi ke ri tat nan, chi ke ri achijab’ k’o kixoqil xuquje’ chi ke ri jawinaq rech chakib’ana toq’ob’ kepe b’a’ che ub’ixik ri k’ax ri’ pa taq le kik’olib’al e ajchajil tinamti xuquje’ pa le Ministerio Público rech kamajtaj katzukuxik pa aninaqil ri e sachinaq ri’.
Chakib’ij b’a’ loq pa le 110 rech PNC xuquje’ pa le 1518 rech ri Ministerio rech Gobernación ri’.