Pa taq le uq’ijol ri b’anoj tijonem eta’manik ri’ xb’an chi ke ri k’a te xk’is katijoxik ri’ rech xe’ok che Comandos rech Operaciones Antinarcóticas (COAN) rech utz uk’ixik kab’an pa juntir upetib’al ri’ are chi’ xkito’o kib’ chi kuwach ri xkitijoj kib’ xecha’ ri fuerzas policiales ri ub’i’ “CUAS” RI’, eri Deyla Rodas Calderón, eri reqa’lenel COAN ri’ rech ri Sub Dirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC) eri “CUAS” ri’, are kub’ij che ri are pa juntir ri’ kakichb’ilaj kib’, junam kek’oji, kakito’o kib’ ri’.
Rumal k’ut eri xeta’maxik xuquje’ tijowchuq’ab’ xb’an kumal jujun chi ke ri reqa’lenel COAN ri’ pa le tijonem eta’mab’alil ri’, qas are chi’ rajwaxik k’o jun rachib’il jun, rech kakito’o kib’ xuquje’ rech kuya’ kichuq’ab’ kakiki’temisaj kib’, are la’ rech kakito’o kib’ xuquje’ rech kekanaj ta kanoq kesach ta kanoq, rech k’o kichuq’ab’ rech ke’al ta pa le tijonik ri’, xcha’ ri Rodas Calderón.
“Are e keb’ ri’ e are kik’ulajil kib’ pa juntir ri’ rech kaqato’ qib’, rech kojkowonik kojel b’i chi upam ri’, ri in eri wachib’il xub’ij chuwe in jawchi’ kab’e wi katkowonik, eri uj keb’ ri’ kojkowonik xuquje’ rumal eri Qajawaxel Chikaj kojuto’o ri’, are chi’ kak’is qachuq’ab’ chi la’ k’ut kumaj wi qato’ik ri Qajawaxel ri’”, xcha’.
Eri rachi’l “CUAS” ri ixoq’ eqa’lenel Rodas Calderón ri’ xub’ij eri kupatanij chaqe ri’ are rech kuya’ qachuq’ab’, rech kaqaxe’j ta qib’, rumal ri’ ri are xub’ij che kakowonik kuk’am ri eta’manem ri’, ri man kuya’ ta kanoq reta’maxik ri’, ri uwach ri utz no’jk’aslemalil ri utz no’jb’alil, xuk’ut k’o nim uchuq’ab’ ri’ xuquje’ k’o nim tob’anik xub’an ri’
“Are chi’ xinsak wib’, eri wachi’l “CUAS”, pa amaq’el xk’oj wuk’ rech xinuto’o
Rumal ri’ eri reqa’lenel COAN Emilsa Osorio Reyes are chi’ xuna’tij ri rachi’l “CUAS”, eri eqa’lenel COAN recién graduados rech ri promoción 20, Carlos Lima, xub’ij che pa amaq’el ri’ xuto’o, xub’ij are chi’ xusak rib’, nim xto’n chi re ri are ri’.
“We in xintij nuwa ri are xutij uwa ri’, we in xine panoq xuquje’ eri are ri’ are jun, we man k’ot xine wi xuquje’ ri are man k’ot xb’e wi’, eri utz xinwil che ri wachi’l ri’ we xinajtib’ jub’ik xub’ij chuwe, ¡Jo’, jo’, jo’ ma tal kanoq, ma tal ri’, xuquje’ are chi’ we xinkowon ta chik xinb’inik eri are xuresaj chuwij ri mochila, ri are xinuto’o, sib’alaj qas utz ri tob’an xub’an chuwe in, ri are junam ruk’ tane’ jun máquina, qas xkowon xutij anim, ko jun nim uchuq’ab’ ri’”, xcha’ ri Osorio Reyes.
Eri reqa’lenel ri’ xuya’ jun nimalaj maltyoxinik che ri rachi’l “CUAS”, rumal k’o nim tob’anik xuya’ ri’ xuquje’ xub’ij che sib’alaj kumaltyoxij ri utz xub’an chi re ri are, xna’tij chi re, ri nim tijowchuq’ab’ anim rech ri 21 kilómetros xub’an ri’ chi’ xtob’an chi re xuquje’ xinuk’am che nuq’ab’ ri’ xojtzalij chi loq, xuquje’ man k’ot tane’ jun q’ij ri’ xinutzaq ta kanoq xuquje’ xk’oji wuk’ pa ronojel taq q’ij ri’.
Eri Carlos Lima xub’ij che ri rachi’l ixoq ri’ rech puqtijoxel xuk’ut jun nim uchuq’ab’ una’ojalil xuquje’ xk’oji jun nim uchuq’ab’ xukoj ri’, are jun chi ke ri ixoqib’ ri xinkajmaj le rilik rumal k’ut pane’ soktajinaq man xuya’ ta rib’ xel tane’ kanoq, ri are xukoj uchuq’ab’ xub’inisaj rib’ ri’ pa nuxukut, xuquje’ rumal ri’ xekowon che uk’isik katijoxik rech xe’ok pa le Comandos rech Operaciones Antinarcóticas (COAN) ri’.
Rech pa uk’isik ub’ixik ri’ eri juk’ulaj winaq e eqa’lenel ri’ junam b’a’ xkil kib’ xkib’an utzilem che kib’ pa taq le reta’maxik ri xk’ut chi kuwach xuquje’ jeri’ pa taq le etab’anik ri eta’manem xb’an chi ke ri’ eri e are xkina’o e alaxik kib’ ri’ jeri’ pa kakib’an pa ronojel taq q’ij ri’.