Ri Asociación Buckner Guatemala xusipaj pa ronojel 125 puq jastaq rech kilik yawab’ ruk’ usaqel ja’ pa aninaqil ri’ are la’ xjach pa kiq’ab’ ri Tercer Viceministro rech Q’atenik k’ax ri’ rech ri Ministerio rech Gobernación, Carlos Fernando García Rubio xuquje’ ri xuq’axe’j pa uq’ab’ ri Subdirector rech Operaciones ri’ rech ri Wokajil Ajchajil Tinamit Néstor Diéguez García ri’.
“Eri qas taqim ub’anik rumal ri Buckner Internacional, are ri utz ilonem chi ke ri jawinaqilal ruk’ ri ak’alab’ che ri kakito’ ta kib’, e are la’ pa we q’ij kamik kaqaj keqato’o pa le tob’chakunem tajin kub’an ri Viceministerio ri’ xuquje’ kumal ri wokajil e ajchajil tinamit rech pa le kato’ik ri taq ak’alab’ pa we amaq’il, rumal ri’ kaqach’ob’ uk’amik we jun puq jastaq ri’ xsipax chi ke ri ajchajil tinamit ri’ ruk’ wari’ rumal ri’ kaqaterenb’ej ri b’anoj ya’ltob’anik ri’”, xcha’ ri Roberto Tejeda pa ub’i’ ri Organización ri’.
Eri Sub Director rech Operaciones rech ri PNC, Néstor Diéguez García xub’ij che k’i ri jastaq chokonsab’al ri’ ya’om loq ri k’o nim upatanib’al pa taq le tob’anem kab’an chi ke ri winaqil pa taq kik’olib’alil kumal ri e ajchajil tinamit che ri aretaq kek’oji kuk’ ri winaqil pa taq tinamit che rajwaxik kaya’ wiri’ le puq jastaq chokonsab’al ri sipam chi ke, man xaq ta ri’ rech chi ke ri e ajchajil tinamit xane’ are kaya’ chi ke ri winaqilal pa taq tinamit che ri rajwaxik keqilo keqachomaj ri’.
“Are la’ jun utzalaj tob’anem chi ke ri winaqil che ri are la’ kub’an jun utzilem chi ke ri winaqil ri’ xuquje’ are la’ kaqamaltyoxij ri jastaq chokonsab’al xsipax loq kamik”, xcha’ ri Sub Director rech Operaciones.
Eri Tercer Viceminisro rech Q’atel k’ax xub’ij che we jun sipab’al ri’ are kech ri reqa’lenelab’ ri Grupo rech Reacción Inmediata LOBOS GRIL, ri e are jun puq eqa’lenel rech pa aninaqil e k’o che ya’olchajinem tob’anik pa tinamit ri’.
“Kintzijoj chiwe ri nuchakum pa k’i junab’ ri’ pa le jalajoj b’anoj tzukunem b’anom pa taq japache’ wokajil ri’ xuquje’ ri tzukunem b’anom ri’ che ri pa ronojel taq q’ij e k’o winaq kiya’om kib’ pa k’ax che ri kato’ik nik’aj chik k’o k’ax kakik’ulmaj, ruma ri’ kaqach’ob’o che ri Buckner uya’om ronojel ranima’ ri’ sib’alaj kaqamaltyoxij che ri nimatoq’ob’ k’o nim upatan ri xusipaj loq ri’ are la’ kaqil kuwach ri winaqil ri kajach chi ke ri’”, xcha’ ri Vice ministro García Rubio.
Eri viceministro xuk’is ub’ixik umaltyoxixik che ri Buckner Guatemala rumal le utzalaj kastaq xusipaj loq xuquje’ xmaltyoxix chi re xraj k’ut xuya’ loq ri jun loq’ tob’anik ri’ ri k’o nim upatanib’al ri’, ri are la’ kuya’ kichuq’ab’il pa le kichak ri e ajchajil tinamit ri’ rech ketikar che utz le kilik kanimaxik kakib’an ri jawinaqilal xuquje’ ri e ak’alab’ e rech pa amaq’ ri’.