Pa le nimatijob’al ub’i’ Escuela Centroamericana rech Entrenamiento Camino (ECEC), k’o pa Barberena, Santa Rosa, xkib’an jun nimaq’ij kojem tzij rech Jubilación xuquje’ Adopción rech Perros Policías ri’. eri b’anowem ri’ are la’ xk’am ub’e ub’anik rumal ri Quinto Viceministro rech Antinarcóticos rech ri Ministerio rech Gobernación (Mingob), Fernando Rodas ri’, xk’oji chi’ ri Gerente rech ri Sección rech Asuntos Antinarcóticos xuquje’ Aplicación rech ri Taqanem ub’i’ (INL, pa tzij inglés), Adam Havlerson ri’.
Eri Viceministro Rodas pa ub’ixik are wa’ xub’ij: “K’o jun nimalaj retalil uq’ij chaqe kujriqitaj pa le nimaq’ij kojem tzij ri’, ri keriqitaj wi ri b’elejeb’ chi tz’i’ e eqa’lenelab’ xeb’e pa uxunalem pa junalik, rumal k’ut xtz’aqat ri q’ij xechakun pa le ya’olchajinem tzukunik chi ke ri winaqilal e aj iximulew. Chi jujunal ri loq’ taq tz’i’ ri’ sib’alaj nim uq’ij chaqe uj xuquje’ keqana’tij kiq’ij che e utz taq tz’i’ eqa’lenel xek’oji che kipatan pa le wokajil ajchajil tinamit”.
Nim taqawokajnel ri’ sib’alaj xumaltyoxij pa ub’i’ ri Taqawokaj Amaq’il Iximulew xuquje’ pa ub’i’ ri Ministerio rech Gobernación (Mingob) rumal ri ub’e’al riqoj ib’ chomanem ri’ rech xb’an xetijoxik ri e utz taq tz’i’ eqa’lenel rech chajin tzukunem pa tinamit.
En el evento también participó el Asesor Antinarcótico de INL, Reginald Tillery; el Jefe de DFIAAT, Wilber Arreaga, xuquje’ ri K’amal b’e rech ri ECEC, Lusvin López ri’.
Eri utz taq b’anowem xb’antajik
Eri Rajtaqanel ri Subdirección General rech Análisis rech Información Antinarcótica (SGAIA) ri’ rech ri Wokajil Ajchajil Tinamit (PNC), Helver Romero xub’ij che ri tz’i’ e ajtzukunel ri’ e k’o pastor belga malinois, pastor alemán xuquje’ e labrador, xekowon che ub’anik utz taq riqonik awan kunb’al, ch’aweb’alil rech eqam, b’otol pwaq, k’aqb’alil xuquje’ poq’sab’al ri’.
Eri tz’i’ e eqa’lenelab’ e ajtzukunel ri’ che ri pa junalik xeb’e pa uxulanem e are wari’: ri Rezo tz’i’ eqa’lenel ri’, xk’oji waqib’ pa chakunem; ri Rojo tz’i’ eqa’lenel, wuqub’ xk’oji pa chakunem ri’; ri Ziko tz’i’ eqa’lenel, jo’ob’ junab’ xchakunem ri’; ri Tyson tz’i’ eqa’lenel, wuqub’ junab’ xk’oji che upatan; ri Lara tz’i’ eqa’lenel, wuqub’ junab’ xchakunik; ri Buddy tz’i’ eqa’lenel, wuqub’ junab’ xchakunik; ri Bilko, tz’i’ reqa’lenel, jo’ob’ junab’ xchakunik; ri Estrella tz’i’ eqa’lenel, wuqub’ junab’ xchakunik xuquje’ ri Dorro tz’i’ eqa’lenel, wuqub’ junab’ xk’oji pa ya’olchajinem tzukunik pa tinamit.
Ri xjach chi ke ja winaq
Are chi’ xb’an jun q’ututem kich’ab’exik b’i, eri e ajtijonelab’ e are xkitaq b’i pa uxulanem ri tz’i’ e eqa’lenelab’ chajinem tzukunik ri’. Te k’u ri’ xejach b’i pa kaq’ab’ ri k’ak’ kitat nan ri xek’amoj b’i, rech keb’e b’a’ pa jun utzalaj k’olib’em ki’kotem ri’ pa junalik cho we q’ij saq.
Eri q’atb’al tzij xkijach jun kichachal rech na’tib’alil chajinem tzukunik xkib’an ri tz’i’ eqa’lenelab’ K-9 ri xk’is kiq’ij pa le chak patan ri’, rumal ri xek’oji pa le nimaq’atenik kuwach ri nuk’wokaj e ajb’anol k’ax xuquje’ ri narcotráfico ri’.