Eri Ministro rech Gobernación, David Napoleón Barrientos, ruk’ ri taqanel rech ri Ministerio rech ri Defensa, Henry Chigua ruk’ ri Fiscal General Taqanel rech ri Ministerio Público, María Consuelo Porras ri’, xkiya’ ub’ixik k’o tojb’al pache’ chi rij chinaq kub’an tane’ k’ax che ri loq’ raxab’aj pa Morales, Izabal ri’. Eri q’atb’al tzij xkib’ij che ri winaqil che ri kakib’an ri k’ax che ri loq’ ab’aj rulew qatinamit k’o jun nim kimak ri’ naj keb’e pache’ chi rij ri’.
Eri b’anoj k’ax ri’ are taqom uq’atexik uwach pa le artículo 346 rech ri Código Penal, chinaq k’ut kub’an tane’ ri k’ax ri’, kab’e pache’ chi rij keb’ pa jo’ob’ junab’ katz’apib’ ri’, we k’o jastaq kariqitaj tane’ ri’, chakub’alil are la’ kakoj che q’alajisab’al ri b’anoj k’ax ri b’anoj mak ri’.
Xuquje’ eri jun b’anoj k’ax ri’ we are kab’an kumal winaq e ajchakunel, k’o jun nim tojb’al rech Q5 mil pa Q25 mil chi pwaq tojb’al kutoj ri’.
We kariqitaj nima’q taq q’alajisab’al che ri kakoj pa b’anoj k’ax che ri Ujastaq Umeb’il Qatinamit ri’, pa le artículo 81 kub’ij wi, rech ri Taqanem rech Áreas Protegidas, k’o jun nim tojb’al kakoj chi kij ri’ xuquje’ k’o jo’ob’ pa lajuj junab’ keb’e pache’ chi rij ri’ xuquje’ kakitoj ri’ Q10 mil xuquje’ Q20 mil ri’.
Eri q’atb’al tzij xkikub’isaj ub’ixik che ri q’atan tzij ri’ are la’ katjain pa Izabal ri’, rech kechapataj ri winaqil e ajb’anol ri k’ax ri’.