Pa le jun chi ke ri ilob’al k’o pa le página web rech ri Ministerio rech Gobernación are ri uq’axaxik pa le ch’ab’al K’iche’ ri’ are ronojel ri tzijolil k’o ropanb’alil ri kaya’ utzijolixik pa uwachwuj pa k’amq’aq’nil ri’, are wari’ kub’an jun chi ke ri jub’ik ajq’axal tzijol pa uwachwuj k’amq’aq’nil xuquje’ le katz’ib’axik pa qatinamit ri’ rech kuya’ jun nim tzijolil chi ke e k’i winaqil e aj ixim nimatinamit xuquje’ eri pa kajilab’al are kok’ow uwi’ jun q’inomal chi winaqilal ri’.
Eri ajno’jchakunel ajq’axel tzijolil ri’ are kub’an ri chakunem ri’, eri licenciado rech Lingüística, ub’i’ Domingo Vásquez, we jun chakunem ri’ are xumajo pa taq le nab’e q’ij rech febrero rech pa junab’ 2010 xuquje’ chi’ k’u ri’ man k’ot jun q’ij uya’m kanoq ub’anik we chak ri’ k’a pa we kamik ri’.
Eri a Vásquez xub’ij eri chak ri’ are utaqim utzijolixik chi ke jun nim puq winaqilal e aj ixim nimatinamit ri tzijol xuquje’ nim taq tzijolil ri nim ropanb’alil ri’ chi rij ri kik’ulmataj pa le taqawokajil ri’ xuquje’ ri ketajin che upatanixik ri ajq’atol tzij rech ri Ministerio rech Gobernación xuquje’ ri rech taq uq’ab’il le taqawokajil ri’.
Eri ajtzilolinel Vásquez xub’ij k’ut pa taq le nab’e q’ij rech enero pa le 31 rech agosto kanoq pa we junab’ ri’, eri uq’axim chik aponinaq pa 825 rajilab’al tzijolil ri’, are juntir le tzijolil ri’ tz’ib’am kumal le puq ajtzijolinel rech Comunicación Socuial rech Página Web rech ri Mingob ri’.
Eri Vásquez xub’ij k’ut che ri chakunik ri’ pa amaq’el utz’ib’am ruk’ juntir uchuq’ab’il ri reta’mam ri’, ruk’ juntir uchuq’ab’ xuquje’ are kutoq’ij ub’anik k’a pa wuqub’ junab’ ri’ uya’om utzijolixik chi ke jun nim puqil chi winaqilal e aj ixim nimatinamit pa amaq’elil utzijoxik chi ke ri kapatanixik pa ronojel taq q’ij, rech taq ri chak, ri cholchak ri’, ri uwach ub’ixikil chak xuquje’ ri utz b’anoj ya’olchajinem kab’an pa le Ministerio rech Gobernación ri’.