Eri q’atb’altzij rech ri Ministerio rech Gobernación, ri Wokajil Pache’ Tz’apib’al (SP) xuquje’ ri Wokajil Ajchajil Tinamit (PNC) xkiya’ loq ub’ixik che k’o jun tzukunem xb’an pa le Granja Modelo rech Rehabilitación Canadá ri k’o pa le rulewal tinamit rech Escuintla, rumal pa awalik xya’ loq ub’ixik rumal jun winaq ri’ che k’o jekib’al k’amoj retal ch’a’wib’alil pache’ tz’apib’al ri’.
Rumal ri’ eri Viceminisro rech Ya’olchajinem, Gendri Reyes, aretaq xtotaj utzijol wari’ pa aninaqil xchomaxik ri b’anoj tzukunem ri’ rech xe’esaxik xuquje’ xetulisax chi la’ ri 21 chi ujek’ib’al k’amoj retal ch’a’wib’alil chi la’, xuquje’ k’o nik’aj chik ch’a’wib’alil ruk’ nik’aj jastaq maj pa usaqil xraqataj chi la’ k’ut.
Ruk’ ri b’anoj tzukunem ri’ xunimax k’ut ri kub’ij ri artículos 33 rech ri Taqanem tzij rech ri Taqanik Pache’ Tz’apib’al ri kuq’al ukojik chi’ ri jastaq rech radiocomunicación pa taq le pache’ tz’apib’al ri’.
Pa le b’anoj tzukunik ri’ xetaqik e kaq’o’ lajk’al (1 mil) chi reqa’lenel taq Comisarías, Subdirecciones xuquje’ rech Jachakunb’alil rech PNC ri xkisolij ri sector 1 rech pache’ tz’apib’al ri’, chi k’u ri’ e tz’apil wi e juq’o’ jo’k’al (500) chi winaqil e tz’apil chi’, rech xtzukuxik ri jastaq maj pa usaqil chi’ xuquje’ rech xetulisax ri ujek’ib’al retal ch’a’wib’alil chi’.
Eri Viceministro Reyes xub’ij, are wa’ uwach ri b’anoj taq ri tzukunem kab’an ri’, eri Luis Rodolfo Escobar, K’amal b’e rech ri SP, xub’ij che xub’an jun ximonik pa le Ministerio Público (MP) rech kab’an utzukuxik wari’, rumal k’i k’ut are wa’ maj pa usaqil kab’an wa’ pache’ tz’apib’al ri’.
Are wa’ ub’anikil ri K’ak’ Cholchak che ri ketajin ub’anik ri’ rumal ri’ K’amal b’e Amaq’il Alejandro Giammattei xub’ij are wa’ chomatal chik rech kab’an ri tzukunem ri’ pa keb’ ja pache’ tz’apib’al che ri qas e tzapim wi e itzel winaq e b’anol k’ax pa we amaq’.
Pa le Granja rech Rehabilitación Canadá e tz’apil wi e wajxaqq’o’ jok’al (3 mil 300) chi e ajpache’ ri’. Eri b’anoj taq tzukunem ri’ are kab’an pa amaq’el ri’ pa le 21 chi ja pache’ tz’apib’al ri’ rech katerenb’ex utzukuxik uriqik jastaq che ri maj pa usaqil pa taq le ja pache’ tz’apib’al ri’.