Pa na’tib’al rech ri Kanimaq’ij ri alaj taq Ali pa Uwachulew, pa le 17 q’ij kanoq pa le 20 rech octubre ri’, eri Unidad rech ri Prevención Comunitaria rech ri K’ax ri’ (UPCV), xb’an ri nimaq’ij ri’ ub’i’ In Alaj Ali pa Santiago Atitlán, pa Tz’oloja’, are xb’anik rech xtaqixik kapixb’axik ri ya’talil chi ke qaraj e k’o 100 chi alaj taq ali ri’, ri xjach jujun kilente’r, uxaq kiwuj rech utz’ajik uwach xuquje’ k’olib’al rech juch’b’al retalil.
Eri jachakub’al rech wokib’al uwach ri Q’atenik B’anoj K’ax kumal e Q’apojil pa reqele’menik ri Sección rech Participación xuquje’ Organización Juvenil ri’, xb’an jun k’uttijonem pa le aldea Cerro Verde, San Cristóbal, Alta Verapaz, kuk’ ri q’apoj xuquje’ ri’j winaq chi rij b’anoj pixb’anik chi rij taq q’apoj alitom ke’ok e yawab’ rumal kaya ak’al chi kij, are wa’ taqim ub’anik rech kaq’atexik ri keqele’xik ri e alitomab’ xuquje’ e q’apoj ri’, pa le tijonem pixab’nik kab’an chi ke xuquje’ pa tijob’enik chi ke pa ub’anob’alil uk’amsaxik rech q’atenik ri k’ax chi ke rech b’a’ kakitzuj loq.
Xuquje’ eri wokajilal ri’ xk’oji pa le b’anob’al ri na’tib’al ri Kiq’ij pa Uwachulew ri taq e Ali pa San Agustín Acasaguastlán, El Progreso ri’, rech taqim katijoxik kapixb’axik ri’ xuquje’ rech xutzijoxik uwach taq ri rajwaxik xuquje’ ri chakunem kakib’an ri’ chi jujunal ri ak’alab’ ri’, rech kawa’lijsax uwach ub’anik ri’ xuquje’ pa le unimaxik ri ya’talil winaqib’ ri’, xuquje’ rech ketzijob’exik chi rij taq q’alanem tzij rech q’atenik ri k’ax pa kik’olib’alil ri winaqilal ri’.
Tajin ri Mundialito ri’
Eri q’atb’al tzij rech q’atenik k’ax xkib’ij, eri ch’ob’otal b’anoj etz’anem ri’ are tajin na chi kuwach ri puq ajetz’anelab’, rumal ri’ e pa Izabla ri’ pa k’isb’al xb’an wi jun nim etz’anem pa taq ri uq’ab’ tinamit rech amates xuquje’ Lívingston, emu wa’ pa Quiché, pa Jutiapa, pa Chinab’jul xuquje’ pa Jalap ri’ xkimaj wi ub’anik ri nima’q taq etz’nem ri’ rech kilik chinaq k’ut ri ajch’akonel chi ke pa nimatinamit xuquje’ pa taq uq’ab’ tinamit ri’.