Eri Urox Viceministra rech Q’atenik k’ax ri’ uq’ab’ ri Ministro rech Gobernación, Claudia Díaz, xtatb’enik pa jun riqb’alil rech ri Taqawokajil ri’ rech ri Desarrollo Social ruk’ ri Vicepresidente rech ri Amaq’il, Guillermo Castillo xuquje’ kuk’ ri ajchomanelab’ rech ri wokajil rech ri Taqawokaj xuquje’ ri Cooperación Internacional, pa le ropanb’alil ri uq’ijol rech ri 26 rech Septiembre Uq’ijol pa Uwachulew rech Uq’atexik kekanaj e Yowab’ ri Alitomab’ ri’.

Pa le ilb’anem q’ijol ri’ xb’an ujachik ri Estudio Milena, are jun solwachinem socio-económico rech ri kiyowab’il ri e alitoma ri’, chi’ k’u ri’ xya’taj utzijob’exik ri k’ax kub’an ri’ xuquje’ ri maj jamalil kuya’ chech jun ali q’apoj na kakanaj yowab’, ri rumal ri’ eri 18% chi kech wari’ pa we amaq’ are kakik’ulmat ri e q’apoj alitom ri’ xuquje’ ri e k’o pa taq lajuj k’a pa taq b’elejlajuj kijunab’ ri’, eri 1% por chi ke e are alitom ri k’o lajuj pa kajlajuj kijunab’ ri’.

Eri rech ri junab’ 2.018 ri’, eri utzijol xya’taj loq rumal ri Instituto Nacional rech Estadística (INE), k’o 77 mil 700 xe’alax ri’ are wa’ kitzijolil ri alitom k’o 10 xuquje’ 19 kijunab’, rumal ri’ sib’alaj rajawaxik kakiwa’lijsaj kib’ ri taqawokajil rech ri amaq’, ri winaqilal xuquje’ ri cooperación internacional, rech kakitunu kichuq’ab’ rech uq’atexik kekanaj e yowab’ ri alitomab’ ri’.

Rumal ri’ eri Ministerio rech Gobernación, ri Viceministra Díaz, xub’ij eri taqawokajil ri’ le kuchakuj unimaxik ri ch’ob’otal chak ri’ pa le Plan Nacional rech Altimab’ Kekanaj e yowab’ ri’ (PLANEA), pa le upatanik ri Unidad rech Prevención Comunitaria rech ri Q’atenik k’ax (UPCV), e are k’ut ketijonik pa le Juntas rech Participación Juvenil ri’.

Eri Fausto Reyes, Q’atol Tzij rech ri Sección rech Participación xuquje’ Organización Juvenil ri’, xub’ij eri taqim ruk’ are rech ya’talil ub’anik k’iyemal chi ke ri e q’apojil ri’ xuquje’ rech keno’jixik chi rij taq nab’ejsab’al b’anoj k’ax chi ke xuquje’ rech eri alitom kekanaj taq e yowab’ ri’, rech uq’atexik uchuq’ab’ ri k’axk’olil xuque’ rech ya’el uchuq’ab’ kito’ik rech kuya’ chi ke le tz’aqat k’iyemal chi ke ri’.

Pa we amaq’ ri’ e k’o 72 chi Komon Alitomab’ ri’ ri kiwokom uwach kumal e 1 mil 200 chi e q’apoj alitom rech taq tinamit xuquej’ pa le ropanb’al uchak patan ri PLANEA ri chomatal chik rumal kichakunik pa 8 chi tinamit ri’: pa Izabal, pa Chinab’jul, pa K’iche’, pa Alta Verapaz, pa Jalapa, pa Izabal, pa Escuintla xuquje’ pa Chuwi’meq’ina’, chi’ k’ut qas kekanaj wi e yowab’ ri allitomab’ ri’.